يلليۋستراتسييالىق فوتو: ©تۇرار قازانعاپوۆ
اباي وبلىسى جارما اۋدانىنداعى زەينەتكەر ەرلٸ-زايىپتى مەن بالانىڭ ٶلٸمٸنە قاتىستى مەلٸمەت بەلگٸلٸ بولدى. بۇقارالىق اقپارات قۇرالدارى مەن ەلەۋمەتتٸك جەلٸلەردە مارقۇمدار ٷيٸنە جولدا ۇستاعان تاكسيمەن كەلگەنٸ جازىلعان, - دەپ حابارلايدى Tengrinews.kz اگەنتتٸگٸ.
اباي وبلىستىق پوليتسييا دەپارتامەنتٸندە بۇل اقپاراتتى راستامادى. پوليتسەيلەردٸڭ ايتۋىنشا, ٸسكە كٶلٸك جٷرگٸزۋشٸسٸنٸڭ قاتىسى جوق, سونىمەن قاتار جٷرگٸزٸلگەن ساراپتامالاردىڭ نەتيجەلەرٸ بەلگٸلٸ بولعان.
"مارقۇمداردى تاكسي جٷرگٸزۋشٸسٸ جەتكٸزٸپ تاستاعانى تۋرالى اقپارات جالعان. مۇنداي اقپاراتتى باق ٶكٸلدەرٸنە بەرگەن جوقپىز. راسىندا دا, سول اۋىلدا قوناققا بارعان دەرەگٸ بولدى. وتباسى ٷيگە ورالعاندا, سىرتتا كٷن سۋىتىپ, قارلى بوران سوعىپ, ولار باعداردى جوعالتقان سيياقتى. ٸستە تاكسي جٷرگٸزۋشٸسٸ جوق", - دەدٸ اباي وبلىستىق پوليتسييا دەپارتامەنتٸ باسپاسٶز قىزمەتٸ باسشىسىنىڭ مٸندەتٸن اتقارۋشى دينا ەمٸرەنوۆا.
پوليتسييا مەلٸمەتٸنشە, باستاپقىدا مەيٸتتەردٸڭ تابىلۋ دەرەگٸ بويىنشا قىلمىستىق ٸس قوزعالىپ, ساراپتامالار تاعايىندالعان. تەكسەرۋ نەتيجەلەرٸ بويىنشا ٶلٸم قاتتى توڭۋدان بولعانى انىقتالدى. بۇل جاعدايدا ٶلٸمنٸڭ زورلىق-زومبىلىق فاكتورلارى انىقتالعان جوق.
ەسكە سالايىق, بۇعان دەيٸن قارت ەرلٸ-زايىپتىنىڭ نەمەرەسٸمەن قوناققا كەلگەنٸ حابارلانعان بولاتىن. ولار ٷيٸنە قايتقاندا قاتتى اياز بولعان. كەيٸنٸرەك ەرلٸ-زايىپتى مەن بالانىڭ مەيٸتٸ تابىلدى.
