Foto: Zakon.kz
Memleket basshysynyń tapsyrmasy boiynsha elge qaitarylǵan zańsyz iemdenilgen aktivterdiń bir bóligi áleýmettik mańyzy joǵary infraqurylymdardy damytýǵa baǵyttalýda, dep habarlaidy Ult.kz.
Úkimet Arnaýly memlekettik qordan Abai oblysynda sýmen jabdyqtaý jelilerin salý úshin 10 mlrd teńgeden astam qarjy bóldi.
Qazirgi tańda óńirde 21 joba iske asýda, onyń jeteýi Semei qalasynda ornalasqan. Sondai-aq, Borodýliha, Úrjar jáne Abai aýdandaryndaǵy aýyldarǵa da sý qubyry jelileri júrgizilmek.
Bul bastama turǵyndardyń ómir súrý sapasyn arttyrýǵa, kommýnaldyq qyzmetterge qoljetimdilikti qamtamasyz etýge jáne Memleket basshysynyń tapsyrmasyna sai infraqurylymdy jańǵyrtýǵa baǵyttalǵan. Barlyq nysandardy biyl paidalanýǵa berý josparlanyp otyr.
Ónerkásip jáne qurylys ministrliginiń málimetinshe, qazir Semeide sýmen qamtý kórsetkishi 95,5%-dy, oblys aýyldarynda 95%-dy quraidy.
