Foto: ashyq derekkóz
Abai oblysy boiynsha Qarjy monitoringi agenttiginiń departamenti tutyný kooperativi retinde jasyrylǵan «ELL QUATY» qarjy piramidasynyń qyzmetin áshkerelep, toqtatty, dep habarlaidy Ult.kz.
Tekserý barysynda uiymdastyrýshylar azamattardy «HALYK QUATY» kooperativine múshe bolýǵa shaqyryp, turǵyn úi men avtokólikti paiyzsyz bólip tóleý arqyly alýǵa bolady dep sendirgeni anyqtaldy. Olar pailyq jarnalardy engizýdi usynyp, qoǵamdyq senimge ie bolý úshin ózin «halyqtyq kooperativ» retinde tanystyrǵan.
Uiym halykquaty.kz saity men áleýmettik jelilerde «Ár otbasyǵa baqyt!» uranymen jarnama júrgizip, shyn máninde qarjy piramidasy bolyp tabylatyn qyzmetin jasyrǵan. Buǵan qosa, «HALYK» taýarlyq belgisin zańsyz paidalanǵany úshin ákimshilik jaýapkershilikke tartylǵannan keiin uiym ataýyn «ELL QUATY» dep ózgertken.
Jańa salymshylardy tartý úshin uiymdastyrýshylar túrli marketingtik aktsiialar uiymdastyrǵan, onyń ishinde «Solnechnaia Týrtsiia» týristik joldamalaryn utysqa qoiý da bar.
Piramidanyń basshysy qylmystyq jolmen túsken tabysty zańdastyrý maqsatynda óz atyna «QAZ INFO MARKET» JShS tirkep, salymshylardan túsken qarajatty «kásibi, ǵylymi jáne tehnikalyq qyzmetter» úshin tólem retinde shyǵaryp otyrǵan. Alaida bul qyzmetter shyn máninde kórsetilmegen.
Nátijesinde qarjy piramidasyna 1,5 myńnan astam adam tartylyp, olardyń jalpy salymy 6,8 mlrd teńgeni quraǵan.
Uiymdastyrýshy qamaýǵa alyndy.
Tergeý jalǵasýda.
