فوتو: اشىق دەرەككٶز
اباي وبلىسى بويىنشا قارجى مونيتورينگٸ اگەنتتٸگٸنٸڭ دەپارتامەنتٸ تۇتىنۋ كووپەراتيۆٸ رەتٸندە جاسىرىلعان «ELL QUATY» قارجى پيراميداسىنىڭ قىزمەتٸن ەشكەرەلەپ, توقتاتتى, دەپ حابارلايدى Ult.kz.
تەكسەرۋ بارىسىندا ۇيىمداستىرۋشىلار ازاماتتاردى «HALYK QUATY» كووپەراتيۆٸنە مٷشە بولۋعا شاقىرىپ, تۇرعىن ٷي مەن اۆتوكٶلٸكتٸ پايىزسىز بٶلٸپ تٶلەۋ ارقىلى الۋعا بولادى دەپ سەندٸرگەنٸ انىقتالدى. ولار پايلىق جارنالاردى ەنگٸزۋدٸ ۇسىنىپ, قوعامدىق سەنٸمگە يە بولۋ ٷشٸن ٶزٸن «حالىقتىق كووپەراتيۆ» رەتٸندە تانىستىرعان.
ۇيىم halykquaty.kz سايتى مەن ەلەۋمەتتٸك جەلٸلەردە «ەر وتباسىعا باقىت!» ۇرانىمەن جارناما جٷرگٸزٸپ, شىن مەنٸندە قارجى پيراميداسى بولىپ تابىلاتىن قىزمەتٸن جاسىرعان. بۇعان قوسا, «HALYK» تاۋارلىق بەلگٸسٸن زاڭسىز پايدالانعانى ٷشٸن ەكٸمشٸلٸك جاۋاپكەرشٸلٸككە تارتىلعاننان كەيٸن ۇيىم اتاۋىن «ELL QUATY» دەپ ٶزگەرتكەن.
جاڭا سالىمشىلاردى تارتۋ ٷشٸن ۇيىمداستىرۋشىلار تٷرلٸ ماركەتينگتٸك اكتسييالار ۇيىمداستىرعان, ونىڭ ٸشٸندە «سولنەچنايا تۋرتسييا» تۋريستٸك جولدامالارىن ۇتىسقا قويۋ دا بار.
پيراميدانىڭ باسشىسى قىلمىستىق جولمەن تٷسكەن تابىستى زاڭداستىرۋ ماقساتىندا ٶز اتىنا «QAZ INFO MARKET» جشس تٸركەپ, سالىمشىلاردان تٷسكەن قاراجاتتى «كەسٸبي, عىلىمي جەنە تەحنيكالىق قىزمەتتەر» ٷشٸن تٶلەم رەتٸندە شىعارىپ وتىرعان. الايدا بۇل قىزمەتتەر شىن مەنٸندە كٶرسەتٸلمەگەن.
نەتيجەسٸندە قارجى پيراميداسىنا 1,5 مىڭنان استام ادام تارتىلىپ, ولاردىڭ جالپى سالىمى 6,8 ملرد تەڭگەنٸ قۇراعان.
ۇيىمداستىرۋشى قاماۋعا الىندى.
تەرگەۋ جالعاسۋدا.
