Foto: ©️ Tengrinews.kz / Turar Qazanǵapov
Abai oblysy Úrjar aýdanynyń prokýratýrasy Naýaly balalar úiiniń ákimshiligi qyzmetkerleriniń 6 million teńgeden astam biýdjet qarajatyn urlaý deregin anyqtady, - dep habarlaidy "Ult aqparat" Bas prokýratýranyń baspasóz qyzmetine silteme jasap.
Balalar úiiniń direktory men bas esepshisi ózderine joǵary jalaqy tólep, joǵary syiaqy men issapar shyǵyndaryn aýdarǵan.
"Jymqyrý deregi shtat kestesi men qazynashylyq esepterdi salystyrý barysynda belgili boldy, onda tiisti jalaqy men naqty tólengen jalaqy arasyndaǵy aiyrmashylyq anyqtaldy. Sondai-aq "Óli jandar" qataryndaǵy jumys istemeitin adamdarǵa jalaqy tólengen. Balalar úii basshylyǵynyń zańsyz áreketteriniń nátijesinde memleketke zalal keltirildi" - delingen habarlamada.
Bul derekke qatysty prokýratýra Qylmystyq kodekstiń 189-baby 3-bóliginiń 2, 3-tarmaqtary boiynsha qylmystyq is qozǵady. Isti sotqa deiingi tergeý Sybailas jemqorlyqqa qarsy qyzmetke júktelgen.
Bul baptyń sanktsiiasy belgili bir laýazymdardy atqarýǵa nemese belgili bir qyzmetpen ainalysýǵa tyiym sala otyryp, 7 jylǵa deiin bas bostandyǵynan aiyrýdy qarastyrady.
