فوتو: ©️ Tengrinews.kz / تۇرار قازانعاپوۆ
اباي وبلىسى ٷرجار اۋدانىنىڭ پروكۋراتۋراسى ناۋالى بالالار ٷيٸنٸڭ ەكٸمشٸلٸگٸ قىزمەتكەرلەرٸنٸڭ 6 ميلليون تەڭگەدەن استام بيۋدجەت قاراجاتىن ۇرلاۋ دەرەگٸن انىقتادى, - دەپ حابارلايدى "ۇلت اقپارات" باس پروكۋراتۋرانىڭ باسپاسٶز قىزمەتٸنە سٸلتەمە جاساپ.
بالالار ٷيٸنٸڭ ديرەكتورى مەن باس ەسەپشٸسٸ ٶزدەرٸنە جوعارى جالاقى تٶلەپ, جوعارى سىياقى مەن ٸسساپار شىعىندارىن اۋدارعان.
"جىمقىرۋ دەرەگٸ شتات كەستەسٸ مەن قازىناشىلىق ەسەپتەردٸ سالىستىرۋ بارىسىندا بەلگٸلٸ بولدى, وندا تيٸستٸ جالاقى مەن ناقتى تٶلەنگەن جالاقى اراسىنداعى ايىرماشىلىق انىقتالدى. سونداي-اق "ٶلٸ جاندار" قاتارىنداعى جۇمىس ٸستەمەيتٸن ادامدارعا جالاقى تٶلەنگەن. بالالار ٷيٸ باسشىلىعىنىڭ زاڭسىز ەرەكەتتەرٸنٸڭ نەتيجەسٸندە مەملەكەتكە زالال كەلتٸرٸلدٸ" - دەلٸنگەن حابارلامادا.
بۇل دەرەككە قاتىستى پروكۋراتۋرا قىلمىستىق كودەكستٸڭ 189-بابى 3-بٶلٸگٸنٸڭ 2, 3-تارماقتارى بويىنشا قىلمىستىق ٸس قوزعادى. ٸستٸ سوتقا دەيٸنگٸ تەرگەۋ سىبايلاس جەمقورلىققا قارسى قىزمەتكە جٷكتەلگەن.
بۇل باپتىڭ سانكتسيياسى بەلگٸلٸ بٸر لاۋازىمداردى اتقارۋعا نەمەسە بەلگٸلٸ بٸر قىزمەتپەن اينالىسۋعا تىيىم سالا وتىرىپ, 7 جىلعا دەيٸن باس بوستاندىعىنان ايىرۋدى قاراستىرادى.
