Foto: Polisia.kz
Abai oblysynda aiaqkiimge tapsyrys bergen áiel “tosyn syi” aldy, – dep habarlaidy Polisia.kz.
2 jeltoqsanda Úrjar politsiia bóliminiń “102” jedel arnasyna 59 jastaǵy áielden habarlama kelip túsken. Ol 30 qarashada bir jup aiaqkiimge tapsyrys bergenin, alaida sol kúni tapsyrysty alǵan kezde aiaqkiimniń ornynda ósimdik tektes erekshe iisi bar jasyl tústi zat bolǵanyn aitady.
Tártip saqshylary birden jedel-izdestirý is-sharalaryna kirisken. Olar qorapty alýshy kýrerdiń shatasyp, aiaqkiim salynǵan qorap kelgenin aityp, politsiiaǵa habar bergen áielmen sóilesken.
Sodan politsiia qyzmetkerleri qaskóidiń izine túsip úlgeredi, nátijesinde “izin sýytpai” sálemdemeni qabyldap alýshyny anyqtaidy.
Jedel-izdestirý is-sharalaryn ótkizý barysynda politsiia qyzmetkerleri aýdan ortalyǵynda 34 jastaǵy jumyssyz er adamdy ustaǵan. Kidirissiz jeke tintý júrgizý barysynda odan erekshe iisi bar ósimdik tektes zaty bar skotchpen oralǵan karton qorap tárkilenedi. Qaskóidiń úiin tintý barysynda ósimdik tektes jáne erekshe iisi bar skotchpen oralǵan 4 uqsas qorap tabylǵan.
Saraptama kórsetkendei, zertteýge usynylǵan zat salmaǵy 72 keliden asatyn keptirilgen marihýana ekeni anyqtaldy. Qazirgi ýaqytta osy qylmysqa qatysy bar sybailastardy anyqtaý boiynsha jedel-izdestirý is-sharalary júrgizilip jatyr.
Atalǵan derek boiynsha QR QK-niń 297-babynyń 1-bóligi boiynsha sotqa deiingi tergep-tekserý bastaldy. Kúdikti ýaqytsha ustaý izoliatoryna qamaldy.
