فوتو: Polisia.kz
اباي وبلىسىندا اياقكيٸمگە تاپسىرىس بەرگەن ەيەل “توسىن سىي” الدى, – دەپ حابارلايدى Polisia.kz.
2 جەلتوقساندا ٷرجار پوليتسييا بٶلٸمٸنٸڭ “102” جەدەل ارناسىنا 59 جاستاعى ەيەلدەن حابارلاما كەلٸپ تٷسكەن. ول 30 قاراشادا بٸر جۇپ اياقكيٸمگە تاپسىرىس بەرگەنٸن, الايدا سول كٷنٸ تاپسىرىستى العان كەزدە اياقكيٸمنٸڭ ورنىندا ٶسٸمدٸك تەكتەس ەرەكشە يٸسٸ بار جاسىل تٷستٸ زات بولعانىن ايتادى.
تەرتٸپ ساقشىلارى بٸردەن جەدەل-ٸزدەستٸرۋ ٸس-شارالارىنا كٸرٸسكەن. ولار قوراپتى الۋشى كۋرەردٸڭ شاتاسىپ, اياقكيٸم سالىنعان قوراپ كەلگەنٸن ايتىپ, پوليتسيياعا حابار بەرگەن ەيەلمەن سٶيلەسكەن.
سودان پوليتسييا قىزمەتكەرلەرٸ قاسكٶيدٸڭ ٸزٸنە تٷسٸپ ٷلگەرەدٸ, نەتيجەسٸندە “ٸزٸن سۋىتپاي” سەلەمدەمەنٸ قابىلداپ الۋشىنى انىقتايدى.
جەدەل-ٸزدەستٸرۋ ٸس-شارالارىن ٶتكٸزۋ بارىسىندا پوليتسييا قىزمەتكەرلەرٸ اۋدان ورتالىعىندا 34 جاستاعى جۇمىسسىز ەر ادامدى ۇستاعان. كٸدٸرٸسسٸز جەكە تٸنتۋ جٷرگٸزۋ بارىسىندا ودان ەرەكشە يٸسٸ بار ٶسٸمدٸك تەكتەس زاتى بار سكوتچپەن ورالعان كارتون قوراپ تەركٸلەنەدٸ. قاسكٶيدٸڭ ٷيٸن تٸنتۋ بارىسىندا ٶسٸمدٸك تەكتەس جەنە ەرەكشە يٸسٸ بار سكوتچپەن ورالعان 4 ۇقساس قوراپ تابىلعان.
ساراپتاما كٶرسەتكەندەي, زەرتتەۋگە ۇسىنىلعان زات سالماعى 72 كەلٸدەن اساتىن كەپتٸرٸلگەن ماريحۋانا ەكەنٸ انىقتالدى. قازٸرگٸ ۋاقىتتا وسى قىلمىسقا قاتىسى بار سىبايلاستاردى انىقتاۋ بويىنشا جەدەل-ٸزدەستٸرۋ ٸس-شارالارى جٷرگٸزٸلٸپ جاتىر.
اتالعان دەرەك بويىنشا قر قك-نٸڭ 297-بابىنىڭ 1-بٶلٸگٸ بويىنشا سوتقا دەيٸنگٸ تەرگەپ-تەكسەرۋ باستالدى. كٷدٸكتٸ ۋاقىتشا ۇستاۋ يزولياتورىنا قامالدى.
