Ispaniiadaǵy Qazaqstan Elshiliginiń uiymdastyrýymen Abaidyń 175 jyldyǵyna arnalǵan is-sharalar estafetasyn Kataloniia óńiriniń bas qalasy qabyldady, dep habarlaidy "Ult aqparat" QR SIM baspasóz qyzmetine silteme jasap.
Qazaqstannyń Barselonadaǵy konsýldyǵynda ótken is-sharany konsýl Rinat Dúisembaev pen Barselona kinofestivaliniń jetekshisi, Casa Asia (Aziia úii) mádenieti men ekspozitsiialarynyń direktory, jazýshy jáne kinotanýshy Menene Gras ashty.
Ispandyq qonaqtar, qazaqstandyq stýdentter, qazaqstandyq balalardy asyrap alǵan otbasylar jáne basqa da kórermenderge Abaidyń shyǵarmashylyǵy men elimizdiń mádeni jáne rýhani ómirin damytýdaǵy róli týraly aqparat berildi. Qonaqtarǵa ispan tiline jaryq kórgen Abaidyń «Qara sózderi» men Prezident Qasym-Jomart Toqaevtyń «Abai jáne HHI ǵasyrdaǵy Qazaqstan» broshiýrasy usynyldy.
Is-shara aiasynda ótken shaǵyn kontsert baǵdarlamasynda Abaidyń «Kózimniń qarasy» men «Aittym sálem, Qalamqas», sondai-aq basqa da tanymal qazaq ánderi aityldy.
Professor Menene Gras ispan kórermenderiniń Abai shyǵarmashylyǵyna (jaqynda Ispaniiada onyń beinesimen poshta markasy bastyryldy) jáne jalpy qazaq mádenietine, onyń ishinde Casa Asia men Qazaqstan konsýldyǵy qoldap otyrǵan Barselonada jyl saiynǵy Barselonalyq Aziia kinofestivaline sátti qatysatyn zamanaýi qazaqstandyq filmderge degen úlken qyzyǵýshylyǵyn atap ótti.
