Roza Baǵlanova atyndaǵy «Qazaqkontsert» memlekettik akademiialyq kontserttik uiymynda uly aqyn, danyshpan oishyl Abai Qunanbaiulynyń 180 jyldyǵyna arnalǵan «ABAI ÁLEMI» atty mýzykalyq kesh ótti.
Kesh barysynda buryn-sońdy oryndalmaǵan Abaidyń shyǵarmalary alǵash ret kópshilik nazaryna usynyldy. Jańasha mýzykalyq óńdeýler men zamanaýi aranjirovkalar arqyly Abai murasy jańǵyryp, kórermenge ózgeshe áser syilady.
Kontserttik baǵdarlamada «Jelsiz túnde jaryq ai», «Kók tuman aldyndaǵy keler zaman», «Tatiananyń haty», «Qońyr jel», «Kishi aidai», «Aqtolqyn» jáne t.b. shyǵarmalar oryndaldy.
Is-sharaǵa «Halyq qazynasy» ulttyq óner ortalyǵynyń solisteri qatysty: Qazaqstannyń eńbek sińirgen qairatkerleri Janǵali Júzbai, Qumarbek Qalqatai, Erbolat Shaldybekov, Aigúl Elshibaeva, Medet Salyqov, Klara Tólenbaeva, Erlan Rysqali, Tolǵanbai Sembaev, «Mádeniet salasynyń úzdigi» tósbelgisiniń iegerleri Maqsat Medeýbek, Baýyrjan Bekmuhanbet, Perizat Turar, «Daryn» memlekettik jastar syilyǵynyń laýreaty Kúnsulý Túrikpen, respýblikalyq jáne halyqaralyq baiqaýlardyń laýreattary Baýyrjan Muhametbai, Daryn Qudaibergen, Birjan Aitahmet, Aidos Saniiazbek, Álihan Dúisenbai, Aqerke Tájibaeva, Venera Tabys, Jantý Dadabaev, Jaslan Kárim, Dilnaz Janbyrbai, Dáriia Bekpenbet, Rústem Ámirbekov, Rústem Núrkenov jáne Diana Altaiqyzy.
