© Sputnik / Mariia Devahina
Qaraǵandy oblysynyń Abai qalasynda ondaǵan kóp qabatty turǵyn úide jylý joq. Mektepter de jylýsyz qaldy, dep habarlaidy Sputnik Qazaqstan agenttigi Astana TV arnasyna silteme jasap.
85 jastaǵy Marfa Býshkina páterine jylytqysh qossa da boiyn jylyta alar emes. Úidegi temperatýra kúndiz 12- 15 gradýsqa áreń jetedi, al túnde odan da sýyp ketedi. Qalada 30 myńǵa jýyq halyqtyń teń jartysy jylytqyshpen otyr.
"Aýyramyz, óte sýyq. Jylytqyshtar qosamyz. Onyń ózinde kúndiz kún shyqqanda ǵana jylynamyz. Bar tilegim úi jylynsa eken. Al balalar qalyń kiinip, kórpege oranýǵa májbúr. Aiazda mektepte sabaq joq, ǵimarattar azynap ketkendikten úiirmeler de ýaqytsha toqtaǵan. Jurt jinalyp, osy máseleni ákimge jetkizdi. Ábden tozyǵy jetken jylý júiesin aýystyrýdy talap etti", - Býshkina.
Qala turǵyny Erlan Muratov ta onyń sózin qostady. Onyń aitýynsha, jylý júiesinde tsirkýliatsiia joq. Aýa temperatýrasy - 40 gradýs bolady degen boljam bar. Sol kezde batareilar qatyp, jarylýy ábden múmkin.
"Úide biz bylai otyramyz mine mynadai qystyń kiimimen. Tamaq ishkende terezeniń bári býlanady. Óitkeni jylý joq. Adam ólý kerek pe?", - dep atap kórsetti Muratov.
Mektep muǵalimderi bolsa, balany jyly kiindirip qana qoimai, astaryna kórpeshe alyp kelýdi de suraidy. Al qala ákiminiń aitýynsha, ǵimarattardyń salqyndaýyna jel de sebepshi.
"Qatty aiazda jel bolǵanda úidegi jylýdy jel alyp ketetin kezder bolady. Jel basyldy qazir jaǵdai retteledi dep úmittenemiz", - deidi qala basshysy Medeý Ahmetov.
Turǵyndar shaharǵa jylý berilgenin joqqa shyǵarmaidy, biraq jylýdyń qyzýy joq. Sebebi qysym joq, ystyq sý ainalmai tur, tsirkýliatsiia joq. Jylý ortalyǵy ystyq sýdy ainaldyryp bere almai otyr. Ony ainaldyratyn sý sorǵylary joq nemese kúshi nashar degen sóz.
Abai qalasynyń ákimi eskirgen jylý júiesin aýystyrýǵa 20 mlrd teńge qarajat qajet deidi. Tipti, bastapqy jóndeý jumystarynyń ózine ekonomika ministrligi 3 mlrd teńgeni bermei qoiǵan.
"GRES Topar kentinde ornalasqan. Bizge 22 km araqashyqtyǵy bar. Qatty jel bolǵanda GRES- ten shyqqan temperatýra Abaiǵa jetkenshe bir 20 gradýstai joǵalady. Qolymyzda 2 mlr 800 mln teńgege arnalǵan qujatymyz bar. Oǵan 22 jyly oblystyq basqarmaǵa ótinim berilgen. Byltyr bolmady. Biylǵy jyl biz taǵy da sol ótinimdi berip otyrmyz", - dedi qala ákimi.
Qaraǵandy oblysynda qazir 30 gradýs aiaz. Mektepterde sabaq toqtady.
