© Sputnik / مارييا دەۆاحينا
قاراعاندى وبلىسىنىڭ اباي قالاسىندا ونداعان كٶپ قاباتتى تۇرعىن ٷيدە جىلۋ جوق. مەكتەپتەر دە جىلۋسىز قالدى, دەپ حابارلايدى Sputnik قازاقستان اگەنتتٸگٸ Astana TV ارناسىنا سٸلتەمە جاساپ.
85 جاستاعى مارفا بۋشكينا پەتەرٸنە جىلىتقىش قوسسا دا بويىن جىلىتا الار ەمەس. ٷيدەگٸ تەمپەراتۋرا كٷندٸز 12- 15 گرادۋسقا ەرەڭ جەتەدٸ, ال تٷندە ودان دا سۋىپ كەتەدٸ. قالادا 30 مىڭعا جۋىق حالىقتىڭ تەڭ جارتىسى جىلىتقىشپەن وتىر.
"اۋىرامىز, ٶتە سۋىق. جىلىتقىشتار قوسامىز. ونىڭ ٶزٸندە كٷندٸز كٷن شىققاندا عانا جىلىنامىز. بار تٸلەگٸم ٷي جىلىنسا ەكەن. ال بالالار قالىڭ كيٸنٸپ, كٶرپەگە ورانۋعا مەجبٷر. ايازدا مەكتەپتە ساباق جوق, عيماراتتار ازىناپ كەتكەندٸكتەن ٷيٸرمەلەر دە ۋاقىتشا توقتاعان. جۇرت جينالىپ, وسى مەسەلەنٸ ەكٸمگە جەتكٸزدٸ. ەبدەن توزىعى جەتكەن جىلۋ جٷيەسٸن اۋىستىرۋدى تالاپ ەتتٸ", - بۋشكينا.
قالا تۇرعىنى ەرلان مۇراتوۆ تا ونىڭ سٶزٸن قوستادى. ونىڭ ايتۋىنشا, جىلۋ جٷيەسٸندە تسيركۋلياتسييا جوق. اۋا تەمپەراتۋراسى - 40 گرادۋس بولادى دەگەن بولجام بار. سول كەزدە باتارەيلار قاتىپ, جارىلۋى ەبدەن مٷمكٸن.
"ٷيدە بٸز بىلاي وتىرامىز مٸنە مىناداي قىستىڭ كيٸمٸمەن. تاماق ٸشكەندە تەرەزەنٸڭ بەرٸ بۋلانادى. ٶيتكەنٸ جىلۋ جوق. ادام ٶلۋ كەرەك پە?", - دەپ اتاپ كٶرسەتتٸ مۇراتوۆ.
مەكتەپ مۇعالٸمدەرٸ بولسا, بالانى جىلى كيٸندٸرٸپ قانا قويماي, استارىنا كٶرپەشە الىپ كەلۋدٸ دە سۇرايدى. ال قالا ەكٸمٸنٸڭ ايتۋىنشا, عيماراتتاردىڭ سالقىنداۋىنا جەل دە سەبەپشٸ.
"قاتتى ايازدا جەل بولعاندا ٷيدەگٸ جىلۋدى جەل الىپ كەتەتٸن كەزدەر بولادى. جەل باسىلدى قازٸر جاعداي رەتتەلەدٸ دەپ ٷمٸتتەنەمٸز", - دەيدٸ قالا باسشىسى مەدەۋ احمەتوۆ.
تۇرعىندار شاھارعا جىلۋ بەرٸلگەنٸن جوققا شىعارمايدى, بٸراق جىلۋدىڭ قىزۋى جوق. سەبەبٸ قىسىم جوق, ىستىق سۋ اينالماي تۇر, تسيركۋلياتسييا جوق. جىلۋ ورتالىعى ىستىق سۋدى اينالدىرىپ بەرە الماي وتىر. ونى اينالدىراتىن سۋ سورعىلارى جوق نەمەسە كٷشٸ ناشار دەگەن سٶز.
اباي قالاسىنىڭ ەكٸمٸ ەسكٸرگەن جىلۋ جٷيەسٸن اۋىستىرۋعا 20 ملرد تەڭگە قاراجات قاجەت دەيدٸ. تٸپتٸ, باستاپقى جٶندەۋ جۇمىستارىنىڭ ٶزٸنە ەكونوميكا مينيسترلٸگٸ 3 ملرد تەڭگەنٸ بەرمەي قويعان.
"گرەس توپار كەنتٸندە ورنالاسقان. بٸزگە 22 كم اراقاشىقتىعى بار. قاتتى جەل بولعاندا گرەس- تەن شىققان تەمپەراتۋرا ابايعا جەتكەنشە بٸر 20 گرادۋستاي جوعالادى. قولىمىزدا 2 ملر 800 ملن تەڭگەگە ارنالعان قۇجاتىمىز بار. وعان 22 جىلى وبلىستىق باسقارماعا ٶتٸنٸم بەرٸلگەن. بىلتىر بولمادى. بيىلعى جىل بٸز تاعى دا سول ٶتٸنٸمدٸ بەرٸپ وتىرمىز", - دەدٸ قالا ەكٸمٸ.
قاراعاندى وبلىسىندا قازٸر 30 گرادۋس اياز. مەكتەپتەردە ساباق توقتادى.
