Foto: Abai aýdany ákimdigi
Uly aqynnyń 180 jyldyq mereitoiy aiasynda Abai aýdany Qaraýyl aýyly mańyndaǵy Qaraýyltóbede «Abai eli» stellasy saltanatty túrde ashyldy, dep habarlaidy Ult.kz.
Eskertkishtiń ashylýyna oblys ákimi Berik Ýáli men aýdan aqsaqaldary qatysty. Mereitoi qarsańynda nysanǵa aparar baspaldaq salynyp, aýmaq abattandyryldy.
Tórt tuǵyrdan turatyn stella tereń maǵynaly beinelermen bezendirilgen:
-
Qaýyrsyn qalam – «Óleń sózdiń patshasy, sóz sarasy» uǵymyn bildiredi.
-
Qalqan – el qorǵaǵan batyrlar men búgingi erlerdiń aibyny.
-
Dombyra – Abaidyń jan dúniesi men ániniń ózegi.
-
Aq besik – ulylardy dúniege ákelgen kieli uǵym.
Eskertkishtiń eń biik bóligi – ǵalamshar men ony ainala qalyqtaǵan qarlyǵash, tynyshtyq pen turaqtylyqtyń simvoly.
Joba aýdan kásipkerleriniń demeýshiligimen júzege asyp, avtory músinshi Nurbol Qaliev boldy.
«Eldiń birligi arqasynda respýblikalyq deńgeidegi toidy laiyqty ótkizdik. Basqa oblystardan kelgen delegatsiialar da qoldaý kórsetip, bir-bir nysan salyp bermek. Abai eli – aqyndar eli, batyrlar eli. Búgin Qaraýylda sonyń máni tereń ashyldy», – dedi oblys ákimi Berik Ýáli.
Jańa stella Qaraýyldyń kórkin ashyp, qonaqtarǵa aýyldyń sulýlyǵyn biikten tamashalaýǵa múmkindik beretin jańa týristik nysanǵa ainalmaq.
