اباي اۋدانىندا «اباي ەلٸ» ستەللاسى اشىلدى

فوتو: اباي اۋدانى ەكٸمدٸگٸ

ۇلى اقىننىڭ 180 جىلدىق مەرەيتويى اياسىندا اباي اۋدانى قاراۋىل اۋىلى ماڭىنداعى قاراۋىلتٶبەدە «اباي ەلٸ» ستەللاسى سالتاناتتى تٷردە اشىلدى, دەپ حابارلايدى Ult.kz.

ەسكەرتكٸشتٸڭ اشىلۋىنا وبلىس ەكٸمٸ بەرٸك ۋەلي مەن اۋدان اقساقالدارى قاتىستى. مەرەيتوي قارساڭىندا نىسانعا اپارار باسپالداق سالىنىپ, اۋماق اباتتاندىرىلدى.

تٶرت تۇعىردان تۇراتىن ستەللا تەرەڭ ماعىنالى بەينەلەرمەن بەزەندٸرٸلگەن:

• قاۋىرسىن قالام – «ٶلەڭ سٶزدٸڭ پاتشاسى, سٶز ساراسى» ۇعىمىن بٸلدٸرەدٸ.

• قالقان – ەل قورعاعان باتىرلار مەن بٷگٸنگٸ ەرلەردٸڭ ايبىنى.

• دومبىرا – ابايدىڭ جان دٷنيەسٸ مەن ەنٸنٸڭ ٶزەگٸ.

• اق بەسٸك – ۇلىلاردى دٷنيەگە ەكەلگەن كيەلٸ ۇعىم.

ەسكەرتكٸشتٸڭ ەڭ بيٸك بٶلٸگٸ – عالامشار مەن ونى اينالا قالىقتاعان قارلىعاش, تىنىشتىق پەن تۇراقتىلىقتىڭ سيمۆولى.

جوبا اۋدان كەسٸپكەرلەرٸنٸڭ دەمەۋشٸلٸگٸمەن جٷزەگە اسىپ, اۆتورى مٷسٸنشٸ نۇربول قاليەۆ بولدى.

«ەلدٸڭ بٸرلٸگٸ ارقاسىندا رەسپۋبليكالىق دەڭگەيدەگٸ تويدى لايىقتى ٶتكٸزدٸك. باسقا وبلىستاردان كەلگەن دەلەگاتسييالار دا قولداۋ كٶرسەتٸپ, بٸر-بٸر نىسان سالىپ بەرمەك. اباي ەلٸ – اقىندار ەلٸ, باتىرلار ەلٸ. بٷگٸن قاراۋىلدا سونىڭ مەنٸ تەرەڭ اشىلدى», – دەدٸ وبلىس ەكٸمٸ بەرٸك ۋەلي.

جاڭا ستەللا قاراۋىلدىڭ كٶركٸن اشىپ, قوناقتارعا اۋىلدىڭ سۇلۋلىعىن بيٸكتەن تاماشالاۋعا مٷمكٸندٸك بەرەتٸن جاڭا تۋريستٸك نىسانعا اينالماق.