Shyǵys Qazaqstan oblysynda Abaidyń 175 jyldyǵyna orai ótken interaktivti sabaqqa 2000-nan astam oqýshy qatysqan, dep habarlaidy "Ult aqparat".
ShQO Bilim basqarmasynyń málimetine súiensek, jýyqta óńir boiynsha 7-shi synyp oqýshylary arasynda «Asyl sózdi izdeseń, Abaidy oqy erinbe...» atty interaktivti sabaq ótkizilgen. Qazaq jáne aǵylshyn tilderindegi bul sabaqtyń birinshi bólimi dialogtik alań formatynda boldy.
«Oqýshylar interaktivti jáne tsifrlyq tehnologiialardy qoldaný arqyly uly aqyn shyǵarmalaryna negizdelgen suraqtarǵa jaýap izdedi. Al ekinshi bólimde onlain viktorina júrgizildi. Jalpy osy shara barysynda 2000-nan astam oqýshy qamtyldy. Mundaǵy maqsat – Abai murasyn óskeleń urpaqqa nasihattaý», - deidi basqarma qyzmetkerleri.
