Bilim jáne ǵylym ministri Ashat Aimaǵambetov Qazaqstan Prezidenti Qasym-Jomart Toqaevtan estafeta qabyldap, uly Abaidyń óleńin oqyp berdi, dep habarlaidy "Ult aqparat".
Bul týraly ministr feisbýktaǵy paraqshasynda jazyp, video jariialady. Aimaǵambetov estafeta úshin uly Abaidyń "Senbe jurtqa, tursa da qansha maqtap" atty óleńin tańdaǵan.
"Abai Qunanbaiulynyń 175 jyldyǵyna orai uly aqynnyń óleńderinen úzindi oqý estafetasyn Qazaqstan Respýblikasynyń prezidenti Qasym-Jomart Kemeluly Toqaevtan zor qurmetpen qabyldap, kezekti estafetany elimizdiń bilim jáne ǵylym salasynyń qyzmetkerlerine, ustazdarǵa, joǵary oqý oryndarynyń rektorlaryna jáne stýdentter men oqýshylarǵa joldaimyn", - dedi bilim ministri.
Aita ketsek, buǵan deiin 9 jastaǵy oqýshy Láilim-Shyraq Abai óleńderinen úzindi oqyp, bul estafetany jalǵastyrýdy Prezident Qasym-Jomart Toqaevqa joldaǵan bolatyn.
Memleket basshysy estafetany qabyldap, "Ǵylym tappai maqtanba" óleńinen úzindi oqyp, jaýap berdi.
Osydan keiin Toqaev Abai óleńderin oqý estafetasyn odan ári Bilim jáne ǵylym ministri Ashat Aimaǵambetovke, Mádeniet jáne sport ministri Aqtoty Raiymqulovaǵa jáne ánshi Dimash Qudaibergenge joldady.
