بٸلٸم جەنە عىلىم مينيسترٸ اسحات ايماعامبەتوۆ قازاقستان پرەزيدەنتٸ قاسىم-جومارت توقاەۆتان ەستافەتا قابىلداپ, ۇلى ابايدىڭ ٶلەڭٸن وقىپ بەردٸ, دەپ حابارلايدى "ۇلت اقپارات".
بۇل تۋرالى مينيستر فەيسبۋكتاعى پاراقشاسىندا جازىپ, ۆيدەو جارييالادى. ايماعامبەتوۆ ەستافەتا ٷشٸن ۇلى ابايدىڭ "سەنبە جۇرتقا, تۇرسا دا قانشا ماقتاپ" اتتى ٶلەڭٸن تاڭداعان.
"اباي قۇنانبايۇلىنىڭ 175 جىلدىعىنا وراي ۇلى اقىننىڭ ٶلەڭدەرٸنەن ٷزٸندٸ وقۋ ەستافەتاسىن قازاقستان رەسپۋبليكاسىنىڭ پرەزيدەنتٸ قاسىم-جومارت كەمەلۇلى توقاەۆتان زور قۇرمەتپەن قابىلداپ, كەزەكتٸ ەستافەتانى ەلٸمٸزدٸڭ بٸلٸم جەنە عىلىم سالاسىنىڭ قىزمەتكەرلەرٸنە, ۇستازدارعا, جوعارى وقۋ ورىندارىنىڭ رەكتورلارىنا جەنە ستۋدەنتتەر مەن وقۋشىلارعا جولدايمىن", - دەدٸ بٸلٸم مينيسترٸ.
ايتا كەتسەك, بۇعان دەيٸن 9 جاستاعى وقۋشى لەيلٸم-شىراق اباي ٶلەڭدەرٸنەن ٷزٸندٸ وقىپ, بۇل ەستافەتانى جالعاستىرۋدى پرەزيدەنت قاسىم-جومارت توقاەۆقا جولداعان بولاتىن.
مەملەكەت باسشىسى ەستافەتانى قابىلداپ, "عىلىم تاپپاي ماقتانبا" ٶلەڭٸنەن ٷزٸندٸ وقىپ, جاۋاپ بەردٸ.
وسىدان كەيٸن توقاەۆ اباي ٶلەڭدەرٸن وقۋ ەستافەتاسىن ودان ەرٸ بٸلٸم جەنە عىلىم مينيسترٸ اسحات ايماعامبەتوۆكە, مەدەنيەت جەنە سپورت مينيسترٸ اقتوتى رايىمقۇلوۆاعا جەنە ەنشٸ ديماش قۇدايبەرگەنگە جولدادى.
