Abai oblysynda ýaqytsha ustaý izoliatorynan qashyp ketken sottalýshy jedel izdestirý sharalary barysynda ustalyp, qaitadan qamaýǵa alyndy, dep habarlaidy ult.kz.
Politsiianyń málimetinshe, er adam bes jyl buryn shartty túrde bas bostandyǵynan aiyrylǵan. Alaida biyl maýsym aiynda jazany óteý tártibin birneshe ret buzǵany úshin sot onyń ótelmegen jaza merzimin bas bostandyǵynan aiyrý jazasyna aýystyrǵan.
Vedomstvonyń habarlaýynsha, sottalýshy serýendeý kezinde ýaqytsha ustaý izoliatorynyń aýmaǵynan zańsyz shyǵyp ketken. Degenmen jedel izdestirý is-sharalarynyń nátijesinde kóp uzamai qolǵa túsip, qaitadan izoliatorǵa qamaldy.
Oqiǵaǵa bailanysty qyzmettik tekseris bastaldy. Sonymen qatar sottalýshynyń qashýǵa árekettengeni úshin jaza merzimi de uzartylady.
Aita keteiik, áleýmettik jelilerde taraǵan baǵyttamaǵa sáikes, 31 jastaǵy er adam buǵan deiin Qylmystyq kodekstiń 120-babynyń 1-bóligi (zorlaý) boiynsha sottalǵan. Atalǵan bap boiynsha bes jyldan segiz jylǵa deiin bas bostandyǵynan aiyrý jazasy kózdelgen.
