- QR Aqparat jáne kommýnikatsiialar ministri Dáýren Abaev Feisbýktaǵy paraqshasynda qytailarǵa turmysqa shyqqan qazaqstandyq qyzdarǵa qatysty statistikalyq málimetti jariia etti.
«Jumys barysynda Statistika komitetiniń mynadai bir derekterin kezdestirdim. Jalpy, bul tsifrlar osyǵan deiin Feisbýkte qyzý talqylanǵan máselege qatysty bolǵandyqtan, oqyrmandaryma mańyzdy bolar dep oilaimyn» delingen jazbada.
Abaevtyń málim etýinshe, sońǵy alty jylda 34 qyz ǵana qytai jigitteriniń jary bolǵan.
«Qarap otyrsaq, 2010 jyldan bastap 2016 jylǵy sáýir aiyna deiin QHR azamattaryna 253 qazaqstandyq turmysqa shyqqan kórinedi. Sonyń ishinde, 190 qazaq qyzyn Qytaida turatyn óz qandastarymyz, iaǵni qazaq jigitteri jar etken. Osy ýaqyt ishinde, iaǵni alty jylda etnikalyq qytailarmen nekege turǵan qyzdar sany nebári 34», - dep jazdy Dáýren Abaev.
Al, osy kezeń ishinde Qazaqstannyń 277 azamaty QHR qyzdaryna úilengen. Sonyń ishinde 244-i - Qytaida turatyn qazaq qyzdarymen bas quraǵan qazaq jigitteri.
