- Qazaqstan halqynyń 88 paiyzy otandyq telearnalardy kórip otyr. Bul týraly búgin Parlament Májilisindegi Úkimet saǵatynda QR Aqparat jáne kommýnikatsiialar ministri Dáýren Abaev málim etti, dep habarlaidy Ult.kz tilshisi QazAqparat agenttigine silteme jasap.
«Esepteýler nátijesine sáikes, teleaýditoriianyń 88 paiyzy qazaqstandyq arnalardy tańdaidy. Sonymen birge olardyń 53 paiyzy arnalarymyzdy kúndelikti kórýde. Bizdiń maqsat bul kórsetkishti arttyrýǵa negizdelgen, sebebi qazirgi zamanǵy álemde tele-radio habar taratý qoǵamdaǵy ońtaily ózgeristerdiń katalizatorlarynyń biri bolyp tabylady», - dedi ministr.
Onyń sózine qaraǵanda, ministrliktiń tapsyrysy boiynsha aýqymdy áleýmettik zertteý júrgizilip, bul shara qazaqstandyqtardyń media-tańdaýyn anyqtaýǵa baǵyttaldy.
Alynǵan qoldanbaly málimetterdiń negizinde BAQ-ty modernizatsiialaý men ulttyq aqparattyq keńistikti júieleýdiń negizgi jobalary qalyptastyryldy.
Onyń ishinde «Habardyń» ustanymy ózgerdi. «24 kz» «Habar 24» telearnasy bolyp rebrending júrgizildi, «Kazakh TV» telearnasy «Bilim jáne mádeniet» telearnasymen biriktirildi.
Sonymen qatar «Kazsport» telearnasy zamanaýi HD formatqa kóshirildi, munymen qosa «Qazaq radiosy», «Shalqar» jáne «Classic» radiolarynyń qamtý aýmaǵy keńeitildi.
.jpeg)