Erjan Maksim – naǵyz ánshi degen atqa laiyq. Ol óneriniń qanshalyqty biik ekenin dáleldep qoimai, eńbeginiń eren ekenin dáleldep otyr.
QR Aqparat jáne qoǵamdyq damý ministri Dáýren Abaev jas ánshiniń Polshadaǵy jeńisi jaily oiymen bólisti, dep habarlaidy QazAqparat.
«Ol ózin kópshilik arasynda ustai biledi. Kásibi ári quziretti halyqaralyq tóreshiler biraýyzdan jeńisti Erjanǵa berdi. Baiqaýdyń qalǵan qatysýshylarynan Erjannyń biik turǵany – eshqandai kúmán týǵyzbaidy. Sol sebepti, ol - men úshin jeńimpaz», - dedi ministr «Ashyq dialog» baǵdarlamasynda.
Dáýren Abaev Erjannyń jeńisin – qoǵam úshin tolaǵai is tyndyryp jatqan «Habar» agenttiginiń búkil komandasynyń jeńisi dep baǵalady.
«Álbette, árbir memleket óz ulanyna daýys beredi. Daýys berýde shynaiylyq týraly sóz qozǵamai-aq qoiýǵa bolady. Ony jaqsy túsinemiz. Osy sátti paidalana otyryp, Erjanǵa daýys bergen azamattardyń barlyǵyna alǵysymdy aitqym keledi. Ókinishke qarai, bizdiń azamattardyń daýys berýdegi belsendiligi basqa elderge qaraǵanda báseńdeý boldy. Saiyp kelgende, Erjan emes – jeńilgen bizdiń kórermen. Jas daryndy qoldaýda bizge birlik jetpei qaldy. Ahmet Baitursynuly «Erim deitin el bolmasa, elim deitin er qaidan shyǵady» degen. Sózdi osymen aiaqtaýǵa bolady», - dedi ol.
Eske sala ketsek, Polshada ótken «Junior Eurovision-2019» án baiqaýynda baq synaǵan qazaqstandyq Erjan Maksim ekinshi oryn alǵan bolatyn.
Prezidenti Qasym-Jomart Toqaev Erjan Maksimdi án baiqaýyndaǵy júldesimen quttyqtady.
