Búgin QR Aqparat jáne kommýnikatsiialar ministrliginiń uiymdastyrýymen, «Zerde» Ulttyq infokomýnikatsiia holdingi» AQ jáne Astana Hub halyqaralyq tehnoparkiniń qoldaýymen «Digital Bridge» halyqaralyq innovatsiialyq forýmy bastaldy. Bul týraly Baq.kz habarlady.
QR Aqparat jáne kommýnikatsiialar ministri Dáýren Abaev forýmnyń ashylýynda sóz sóiledi.
«Forýmǵa 2500 myńnan astam qatysýshy kelip otyr. Sondai-aq, álemniń aldyńǵy qatarly kompaniialary men uiymdarynyń 200 jetekshisi, myńdaǵan investor men túrli startap joba avtory bar. Osylaisha alǵa qoiǵan maqsatymyzdyń júzege asýyna dańǵyl jol ashyldy. Óitkeni jobanyń basty ideiasy – tyń ideialardan qýat alyp ózara tájiribe almasý, Aziia men Eýropa tehnologiialyq ortalyqtarynyń arasynda altyn kópir bolý», - dep atap ótti ministr forým ashylýynda.
Abaev Qazaqstanda júzege asyrylyp otyrǵan innovatsiialyq tehnologiialar týraly aitty.
«Elimizde ózderińiz kórip otyrǵandai búgin innovatsiialyq júieler iske qosylýda. Erteń Prezident halyqaralyq Astana tehnoparkin ashylýyn málimdeidi jáne bul qazirgi zamandaǵy Qazaqstannyń tehnologiialyq damýyndaǵy jańa kúnge ainalmaq. Biz Uly Jibek jolynyń muragerleri retinde Aziia men Eýropa arasynda tsifrlyq kópir bolǵymyz keledi. Qatysqandaryńyz úshin taǵy da alǵysymdy aitamyn. Tabysty jumys pen qyzyqty talqylaý tileimin», - dep sózin túiindedi Dáýren Abaev.
Aita ketsek, forýmǵa halyqaralyq IT-qoǵamdastyq ókilderi, tehnologiia salasyndaǵy belgili sarapshylar, kásiporyn basshylary, tehnologiialyq kásipkerler men ózge de elderdiń memlekettik sektorlary ókilderi, ǵalymdar, kásipqoi tsifrlyq ázirleýshiler, sonymen birge venchýrlyq kapitalister men investorlar qatysty.
Búgin Digital Bridge alańynda 50-den asa qazaqstandyq jáne halyqaralyq spikerler sóz sóiledi, olardyń ishinde: Startup Genome bas direktory Jan-Fransýa Gote; CEO Hyperloop Transportation Dirk Alborn; Startap akademiiasynyń mentory jáne keńesshi, startap taqyryby boiynsha satylymǵa eń kóp shyqqan kitaptyń avtory Bob Dorf; Galaktika jeke menshik ǵarysh kompaniiasynyń negizin qalaýshy jáne iesi Aliia Prokofeva; Priceline Group qosa negizin qalaýshy Djeff Hoffman; venchýrlyq kapitaldyń halyqaralyq firmasy Global Catalyst Partners tóraǵasy jáne teń merdigeri Kamran Elahian bar.
Forým aiasynda «Tsifrlyq ekonomika damýynyń jahandyq trendi jóninde dialogy» atty plenarlyq sessiiasy ótedi. Sonymen bige tsifrlandyrý salasyndaǵy eń alǵashqy Digital Bridge Awards júldesi tabystalady.
.jpeg)