بٷگٸن قر اقپارات جەنە كوممۋنيكاتسييالار مينيسترلٸگٸنٸڭ ۇيىمداستىرۋىمەن, «زەردە» ۇلتتىق ينفوكومۋنيكاتسييا حولدينگٸ» اق جەنە Astana Hub حالىقارالىق تەحنوپاركٸنٸڭ قولداۋىمەن «Digital Bridge» حالىقارالىق يننوۆاتسييالىق فورۋمى باستالدى. بۇل تۋرالى Baq.kz حابارلادى.
قر اقپارات جەنە كوممۋنيكاتسييالار مينيسترٸ دەۋرەن اباەۆ فورۋمنىڭ اشىلۋىندا سٶز سٶيلەدٸ.
«فورۋمعا 2500 مىڭنان استام قاتىسۋشى كەلٸپ وتىر. سونداي-اق, ەلەمنٸڭ الدىڭعى قاتارلى كومپانييالارى مەن ۇيىمدارىنىڭ 200 جەتەكشٸسٸ, مىڭداعان ينۆەستور مەن تٷرلٸ ستارتاپ جوبا اۆتورى بار. وسىلايشا العا قويعان ماقساتىمىزدىڭ جٷزەگە اسۋىنا داڭعىل جول اشىلدى. ٶيتكەنٸ جوبانىڭ باستى يدەياسى – تىڭ يدەيالاردان قۋات الىپ ٶزارا تەجٸريبە الماسۋ, ازييا مەن ەۋروپا تەحنولوگييالىق ورتالىقتارىنىڭ اراسىندا التىن كٶپٸر بولۋ», - دەپ اتاپ ٶتتٸ مينيستر فورۋم اشىلۋىندا.
اباەۆ قازاقستاندا جٷزەگە اسىرىلىپ وتىرعان يننوۆاتسييالىق تەحنولوگييالار تۋرالى ايتتى.
«ەلٸمٸزدە ٶزدەرٸڭٸز كٶرٸپ وتىرعانداي بٷگٸن يننوۆاتسييالىق جٷيەلەر ٸسكە قوسىلۋدا. ەرتەڭ پرەزيدەنت حالىقارالىق استانا تەحنوپاركٸن اشىلۋىن مەلٸمدەيدٸ جەنە بۇل قازٸرگٸ زامانداعى قازاقستاننىڭ تەحنولوگييالىق دامۋىنداعى جاڭا كٷنگە اينالماق. بٸز ۇلى جٸبەك جولىنىڭ مۇراگەرلەرٸ رەتٸندە ازييا مەن ەۋروپا اراسىندا تسيفرلىق كٶپٸر بولعىمىز كەلەدٸ. قاتىسقاندارىڭىز ٷشٸن تاعى دا العىسىمدى ايتامىن. تابىستى جۇمىس پەن قىزىقتى تالقىلاۋ تٸلەيمٸن», - دەپ سٶزٸن تٷيٸندەدٸ دەۋرەن اباەۆ.
ايتا كەتسەك, فورۋمعا حالىقارالىق ٸت-قوعامداستىق ٶكٸلدەرٸ, تەحنولوگييا سالاسىنداعى بەلگٸلٸ ساراپشىلار, كەسٸپورىن باسشىلارى, تەحنولوگييالىق كەسٸپكەرلەر مەن ٶزگە دە ەلدەردٸڭ مەملەكەتتٸك سەكتورلارى ٶكٸلدەرٸ, عالىمدار, كەسٸپقوي تسيفرلىق ەزٸرلەۋشٸلەر, سونىمەن بٸرگە ۆەنچۋرلىق كاپيتاليستەر مەن ينۆەستورلار قاتىستى.
بٷگٸن Digital Bridge الاڭىندا 50-دەن اسا قازاقستاندىق جەنە حالىقارالىق سپيكەرلەر سٶز سٶيلەدٸ, ولاردىڭ ٸشٸندە: Startup Genome باس ديرەكتورى جان-فرانسۋا گوتە; CEO Hyperloop Transportation ديرك البورن; ستارتاپ اكادەميياسىنىڭ مەنتورى جەنە كەڭەسشٸ, ستارتاپ تاقىرىبى بويىنشا ساتىلىمعا ەڭ كٶپ شىققان كٸتاپتىڭ اۆتورى بوب دورف; گالاكتيكا جەكە مەنشٸك عارىش كومپانيياسىنىڭ نەگٸزٸن قالاۋشى جەنە يەسٸ الييا پروكوفەۆا; Priceline Group قوسا نەگٸزٸن قالاۋشى دجەفف حوففمان; ۆەنچۋرلىق كاپيتالدىڭ حالىقارالىق فيرماسى Global Catalyst Partners تٶراعاسى جەنە تەڭ مەردٸگەرٸ كامران ەلاحيان بار.
فورۋم اياسىندا «تسيفرلىق ەكونوميكا دامۋىنىڭ جاھاندىق ترەندٸ جٶنٸندە ديالوگى» اتتى پلەنارلىق سەسسيياسى ٶتەدٸ. سونىمەن بٸگە تسيفرلاندىرۋ سالاسىنداعى ەڭ العاشقى Digital Bridge Awards جٷلدەسٸ تابىستالادى.
.jpeg)