2018 jylǵy 1 qańtardan bastap memlekettik tirkeý nómiri belgilerin berý tizimderi qaita qaraldy, dep habarlaidy "Ult aqparat" Astana IID baspasóz qyzmetine silteme jasap.
«Qazaqstan Respýblikasynyń «Salyq jáne biýdjetke tólenetin basqa da mindetti tólemder týraly» Kodeksine sáikes, 2018 jylǵy 1 qańtardan bastap kólik quraldarynyń suranys joǵary 010, 020, 030, 040, 050, 060, 070, 077, 080, 090, 707 memlekettik tirkeý nómiri belgilerin (MTNB) berý tizimderi qaita qaraldy. Bir nómirdiń quny 137 myń 85 teńgeni quraidy. AAA, VVV, SSS, t.s.s. birkelki áriptik belgileri bar nómirlerdiń quny da - 137 myń 85 teńge.
Baspasóz qyzmeti taratqan málimetterge qaraǵanda, búgingi tańda Astana qalasy boiynsha osy sanattaǵy 141 MTNB satylyp, jalpy somasy 20 mln teńgege jetti.
Sonymen qatar suranys joǵary 001, 002, 003, 004, 005, 006, 007, 008, 009, 777, sondai-aq 100, 200, 300, 400, 500, 600, 700, 800, 900, 111, 222, 333, 444, 555, 666, 888, 999 nómirlerin berý boiynsha jumystar júrip jatyr.
2018 jylǵy qańtarda jalpy quny 45 million teńgeden asyp jyǵylatyn júzden astam nómir berildi.
