Foto: yur.kz
Qyzylorda oblysynda stalking derekteri boiynsha birneshe sot úkimi shyqty. 2025 jylǵy 16 shildeden bastap Qylmystyq kodekske engizilgen 115-1-bapqa sáikes, mundai áreket qylmystyq quqyq buzýshylyq bolyp sanalady, dep habarlaidy Ult.kz.
Zań boiynsha stalking úshin 200 ailyq eseptik kórsetkishke deiin aiyppul, 200 saǵatqa deiin qoǵamdyq jumys nemese 50 táýlikke deiin qamaý jazasy qarastyrylǵan.
Osy isterdiń birinde Qyzylorda qalasynyń turǵyny jábirlenýshiniń qarym-qatynas ornatqysy kelmeitinin bile tura, 9 ai boiy ony júieli túrde mazalap, ańdyǵan.
Ol birneshe ret jasalǵan eskertýge qaramastan, áleýmettik jeliler arqyly habarlamalar jiberip, jábirlenýshiniń jumys orny men turǵylyqty mekenjaiyna baryp, psihologiialyq qysym kórsetken.
Jábirlenýshiniń aryzy negizinde is qozǵalyp, sot ony kináli dep tanydy. Nátijesinde oǵan 100 saǵat qoǵamdyq jumys jazasy taǵaiyndaldy.
Sondai-aq oblys aýmaǵynda stalking jasaǵan taǵy eki azamat ta sot sheshimimen kináli dep tanylyp, olarǵa da osyndai jaza qoldanyldy.
Qyzylorda oblysynyń prokýratýrasy turǵyndardy zań talaptaryn saqtaýǵa, ózge adamdardyń jeke ómirine qol suqpaýǵa jáne quqyq buzýshylyqqa jol bermeýge shaqyrdy.
Aita keteiik, buǵan deiin Aqtóbede stalkingke qatysty 6 istiń tek bireýi ǵana sotqa jetkeni habarlanǵan bolatyn.
