Foto: ashyq derekkóz
Bollivýdtyń aty ańyzǵa ainalǵan akteri Dharmendra 89 jasynda ómirden ótti, dep habarlaidy Ult.kz.
Ol Mýmbai qalasynda, densaýlyǵy nasharlaǵan kezeńnen keiin dúnie salǵan. Qarasha aiynda Breach Candy aýrýhanasynda em qabyldap, úiine qaitqanymen, jaǵdaiy qaita kúrt nasharlaǵan. Akterdiń úiinde jedel járdem qyzmeti jumys istep, kóp uzamai qaiǵyly habar rastaldy.
Qoshtasý rásimi Mýmbaidaǵy Djýhý aýdanynda ornalasqan Pawan Hans krematoriiinde ótti. Uly akterdi sońǵy saparǵa shyǵaryp salýǵa úndi kinosynyń ondaǵan juldyzy keldi: Amitabh Bachchan men onyń uly Abhishek, Salman Han, Aamir Han, Sandjai Datt, Kadjol, Anil Kapýr jáne basqa da tanymal tulǵalar. Atmosfera asa aýyr boldy — áriptesteri de, jankúierleri de Dharmendranyń qazasyna tereń qaiǵyryp, tańerteńnen onyń úiiniń aldyna jinaldy.
Akterdiń ómirden ótýi Úndistanda memlekettik deńgeide de úlken rezonans týdyrdy. Premer-ministr Narendra Modi kóńil aityp, Dharmendranyń qazasyn «el úshin orasan zor qaiǵy jáne tutas bir kinematografiialyq dáýirdiń aiaqtalýy» dep atady. Úndistan Prezidenti Draýpadi Mýrmý da onyń ónerge qosqan úlesi ólsheýsiz ekenin aitty.
Bollivýd juldyzdary áleýmettik jelilerde akter týraly jyly lebiz qaldyrýda:
– Karan Djohar «tutas bir dáýir aiaqtaldy» dep jazyp, Dharmendranyń shynaiy, jomart ári meiirimdi adam bolǵanyn atap ótti.
– Kóptegen áriptesteri onyń tek ańyzǵa ainalǵan akter ǵana emes, sondai-aq indýstriiadaǵy eń jyly júzdi, ashyq ári adamgershiligi joǵary tulǵa bolǵanyn aitady.
– Gippi Greval ony «ómirindegi eń shynaiy ári dana adamdardyń biri» dep sipattady.
Dharmendra óz artynda ondaǵan qaitalanbas rólder men kino tarihynda óshpes iz qaldyrdy.
