Áleýmettik jelide uly tarapynan zorlyq kórgeni aitylǵan qariianyń jaǵdaiy kópshiliktiń nazaryn aýdarǵan edi. Belgili bolǵandai, qazir aqsaqal nemereleriniń qolyna kóshken, dep habarlaidy ult.kz.
Nemereleri qariianyń uly alyp qoiǵan zattyń bánin tizip jazyp júrgenin aitty. Al uly qariiany esinen aýysqan dep qaralaýǵa kóshken kórinedi.
Aita keteiik, qariianyń jaǵdaiy áleýmettik jelide jariialandy. Aqsaqaldyń aitýynsha, uly oǵan kúsh kórsetip, erkin júrýge de múmkindik bermegen.
– «Mańdaiymnan salyp qaldy. Túnde kishi dáretke barǵym kelip, syrtqa shyǵaiyn desem, taǵy aiqailaidy. “Barmaisyń, qaida?” deidi. Sol kezde ájethananyń janyndaǵy sórede ine-jip salatyn quty bolatyn. Ishinde qaishy bar edi. Sony alyp, qashyp ketýge árekettendim», – deidi qariia.
Onyń aitýynsha, jubaiy ómirden ótkennen keiin týystary qara shańyraqqa sirek keletin bolǵan. Ýaqyt óte kele úidegilerdiń de qarym-qatynasy ózgerip, jaqyndarymen bailanysy úzilip qalǵan.
Eske salaiyq, buǵan deiin Atyraý oblysy Qyzylqoǵa aýdanyna qarasty Saryózek aýylynda egde jastaǵy turǵynǵa qatysty zorlyq-zombylyq jasalǵan bolýy múmkin degen aqparat qoǵamda úlken rezonans týdyrǵan edi.
