84 myńnan astam qazaqstandyq nesie boiynsha tólemin keiinge qaldyrý úshin bankterge júgindi, dep habarlaidy QazAqparat.
«Búgingi kúni ekinshi deńgeili bankter jáne mikroqarjy uiymdary tólemderdi toqtata turýǵa jeke tulǵalardan 45,5 mln teńgege 84 345 ótinim qabyldady, onyń ishinde 12 071 ótinim maquldandy. Jeke kásipkerler men shaǵyn jáne orta biznes sýbektileri boiynsha ekinshi deńgeidegi bankter jáne mikroqarjy uiymdary tólemderdi toqtata turýǵa 12,3 mln teńge somaǵa 17 671 ótinim qabyldady, onyń ishinde 3 244 ótinim maquldandy»,– dedi onlain brifing barysynda QR Qarjy naryǵyn damytý jáne retteý agenttigi basqarma tóraǵasynyń orynbasary Nurlan Ábdrahmanov.
Onyń sózine sensek, bul tsifrlar jeke jáne zańdy tulǵalardan ótinimderdiń kelip túsýine qarai áli tolyqtyrylady.
