Jambyl oblysynda 1 aqpannan bastap 835 meditsina qyzmetkeri koronavirýs infektsiiasyna qarsy vaktsina qabyldady, dep habarlaidy "Ult aqparat".
Erikti túrde ekpe salý kezeń-kezeńmen júrgizilýde. Oblystyq densaýlyq saqtaý basqarmasynyń málimetinshe, qazir oblys ortalyǵyndaǵy 9 emhana men óńirdiń 10 aýdanynda koronavirýs indetine qarsy vaktsinatsiia kabinetteri jumys isteýde.
«Vaktsinalarǵa arnalǵan arnaiy muzdatqysh kameralary ornatylǵan. Búginde vaktsina alǵan meditsina qyzmetkerleriniń densaýlyǵy jaqsy. Ekpeden keiin aýrýhanaǵa túsken jaǵdailar tirkelmedi»,-delingen basqarma habarlamasynda.
Vaktsina eń aldymen, infektsiia juqtyrý qaýpi bar sanalatyn meditsina mamandaryna salynýda. Olar — juqpaly aýrýlar aýrýhanalary men jansaqtaý bólimi, qarqyndy terapiia bólimsheleriniń dárigerleri, jedel járdem qyzmetkerleri men emhanalardaǵy mamandar
Ekpe qabyldaǵan adamdar úsh kún boiy dárigerdiń baqylaýynda bolady.
Eske salsaq, tegin meditsinalyq kómektiń kepildik berilgen kólemi aiasynda qazaqstandyqtarǵa koronavirýsqa qarsy egý tegin júrgiziledi.
Koronavirýspen aýyrǵan adamnyń antideneler titri joǵary bolsa jáne uzaq ýaqyt saqtalsa, vaktsina salýdyń qajeti joq. Al eger antidene titri ýaqyt óte kele tómendese nemese tórtinshi, altynshy aida nólge deiin tússe, onda immýndaý máselesi týyndaýy múmkin.
