2016 jyly memlekettik tildi meńgergen turǵyndardyń úlesi 82,3 paiyzdy qurady. Bul týraly búgin Úkimet otyrysynda QR Mádeniet jáne sport ministri Arystanbek Muxamediuly málim etti, dep xabarlaidy Ult.kz tilshisi QazAqparat agenttigine silteme jasap.
«Jyl saiynǵy júrgizilgen zertteý nátijeleri turǵyndardyń memlekettik tildi meńgerýinde oń dinamikany kórsetti. 2016 jyly memlekettik tildi meńgergen turǵyndardyń úlesi 82,3 protsentti qurady. Úsh tildi meńgergen xalyqtyń úlesi de jaqsaryp keledi. Eresek turǵyndar men 12-17 jas aralyǵyndaǵy oqýshylardy qosa alǵanda, úsh tildi meńgergenderdiń úlesi 20,5 protsentti qurady», - dedi ministr.
A. Muxamediulynyń atap ótkenindei, úsh tildi meńgerý aiasynda memlekettik qyzmetshilerdi oqytýdy uiymdastyrý maqsatynda 2016 jyly QR Prezidenti janyndaǵy Memlekettik basqarý akademiiasymen Ózara túsinistik týraly memorandýmǵa qol qoiyldy. Joba aiasynda ortalyq organdarda memlekettik tildi oqytý kýrsyna 300 adam qatysqan. Biylǵy jyly bul dástúr jalǵasyn taýyp, qazaq jáne aǵylshyn tilindegi kýrstarǵa qatysatyn memlekettik qyzmetshilerdiń qatary eki ese artady.
Sonymen qatar respýblikada 87 aimaqtyq memlekettik tildi oqytý ortalyǵy jumys jasaidy. QR Úkimetiniń 2014 jylǵy 30 sáýirindegi jekeshelendirýdiń 2014-2016 jyldarǵa arnalǵan keshendi josparyn bekitý týraly qaýlysynda elimizdiń birqatar oblystyq, aýdandyq oqytý ortalyqtary jekeshelendirýge jatatyn respýblikalyq menshiktegi uiymdar tizbesine 39 ortalyq engizilgen bolatyn. Nátijesinde Aqtóbe, Qaraǵandy, Almaty oblystarynyń oqytý ortalyqtary jekeshelendirgen.
.jpeg)