Qazaqstanda 800 myńǵa jýyq adamnyń kirisi kúnkóris deńgeiinen tómen. Bul týraly Memleket basshysy Qasym-Jomart Toqaev aitty, dep habarlaidy QazAqparat.
«Taǵy bir másele - jumyspen qamtý jáne halyqtyń tabysyn arttyrý. Pandemiianyń saldarynan qarjylai tabystyń azaiýy ózekti máselege ainaldy. Kedeishilik deńgeii 4,5 paiyz boldy. 800 myńǵa jýyq azamatymyzdyń kirisi kúnkóris deńgeiinen tómen. Turǵyndardyń naqty ári ataýly tabysynyń ósimi azaiyp ketti. Tabys túrlerindegi ózgerister de kóńil kónshitpeidi», - dedi QR Prezidenti Úkimettiń keńeitilgen otyrysy barysynda.
Memleket basshysynyń aitýynsha, zeinetaqy, járdemaqy, shákirtaqy siiaqty áleýmettik transfertter artqanymen eńbek tabysy azaiyp bara jatyr.
«Shuǵyl ári aýqymdy sharalar qabyldaý qajet. Bul sharalar eńbek tabysy men kásipkerlik qyzmetpen ainalysýdan túsetin tabysty arttyryp, kóleńkeli ekonomikanyń aýqymyn azaitýǵa jáne basqa da bastamalardy qamtýǵa tiis», - dedi Qasym-Jomart Toqaev.
