قازاقستاندا 800 مىڭعا جۋىق ادامنىڭ كٸرٸسٸ كٷنكٶرٸس دەڭگەيٸنەن تٶمەن. بۇل تۋرالى مەملەكەت باسشىسى قاسىم-جومارت توقاەۆ ايتتى, دەپ حابارلايدى قازاقپارات.
«تاعى بٸر مەسەلە - جۇمىسپەن قامتۋ جەنە حالىقتىڭ تابىسىن ارتتىرۋ. پاندەمييانىڭ سالدارىنان قارجىلاي تابىستىڭ ازايۋى ٶزەكتٸ مەسەلەگە اينالدى. كەدەيشٸلٸك دەڭگەيٸ 4,5 پايىز بولدى. 800 مىڭعا جۋىق ازاماتىمىزدىڭ كٸرٸسٸ كٷنكٶرٸس دەڭگەيٸنەن تٶمەن. تۇرعىنداردىڭ ناقتى ەرٸ اتاۋلى تابىسىنىڭ ٶسٸمٸ ازايىپ كەتتٸ. تابىس تٷرلەرٸندەگٸ ٶزگەرٸستەر دە كٶڭٸل كٶنشٸتپەيدٸ», - دەدٸ قر پرەزيدەنتٸ ٷكٸمەتتٸڭ كەڭەيتٸلگەن وتىرىسى بارىسىندا.
مەملەكەت باسشىسىنىڭ ايتۋىنشا, زەينەتاقى, جەردەماقى, شەكٸرتاقى سيياقتى ەلەۋمەتتٸك ترانسفەرتتەر ارتقانىمەن ەڭبەك تابىسى ازايىپ بارا جاتىر.
«شۇعىل ەرٸ اۋقىمدى شارالار قابىلداۋ قاجەت. بۇل شارالار ەڭبەك تابىسى مەن كەسٸپكەرلٸك قىزمەتپەن اينالىسۋدان تٷسەتٸن تابىستى ارتتىرىپ, كٶلەڭكەلٸ ەكونوميكانىڭ اۋقىمىن ازايتۋعا جەنە باسقا دا باستامالاردى قامتۋعا تيٸس», - دەدٸ قاسىم-جومارت توقاەۆ.
