Qazaqstannan Reseige zańsyz jolmen maining quraldaryn áketpek bolǵandar anyqtaldy, - dep habarlaidy "Ult aqparat" UQK baspasóz qyzmetine silteme jasap.
"Aqtóbe oblysy boiynsha departamentiniń shekarashylary «Jaisań» avtomobil ótkizý pýnktinde, QR-dan Resei Federatsiiasyna shyǵatyn jerde «DAF» markaly avtokólikti ustady. Kólik quralyn tolyq tekserý kezinde QR-dan ilespe qujattary joq 813 qorap qorektendirý kabelderi bar «Avalon» mainingke arnalǵan jabdyǵy tabyldy.
Aldyn ala baǵalaý boiynsha ustalǵan júktiń quny shamamen 80 mln teńgeni quraidy.
Barlyq tehnika protsessýaldyq sheshimder qabyldaý úshin Aqtóbe oblysy boiynsha ETD-ǵa tapsyryldy" - delingen habarlamada.
