قازاقستاننان رەسەيگە زاڭسىز جولمەن ماينينگ قۇرالدارىن ەكەتپەك بولعاندار انىقتالدى, - دەپ حابارلايدى "ۇلت اقپارات" ۇقك باسپاسٶز قىزمەتٸنە سٸلتەمە جاساپ.
"اقتٶبە وبلىسى بويىنشا دەپارتامەنتٸنٸڭ شەكاراشىلارى «جايساڭ» اۆتوموبيل ٶتكٸزۋ پۋنكتٸندە, قر-دان رەسەي فەدەراتسيياسىنا شىعاتىن جەردە «DAF» ماركالى اۆتوكٶلٸكتٸ ۇستادى. كٶلٸك قۇرالىن تولىق تەكسەرۋ كەزٸندە قر-دان ٸلەسپە قۇجاتتارى جوق 813 قوراپ قورەكتەندٸرۋ كابەلدەرٸ بار «Avalon» ماينينگكە ارنالعان جابدىعى تابىلدى.
الدىن الا باعالاۋ بويىنشا ۇستالعان جٷكتٸڭ قۇنى شامامەن 80 ملن تەڭگەنٸ قۇرايدى.
بارلىق تەحنيكا پروتسەسسۋالدىق شەشٸمدەر قابىلداۋ ٷشٸن اقتٶبە وبلىسى بويىنشا ەتد-عا تاپسىرىلدى" - دەلٸنگەن حابارلامادا.
