Foto: ashyq derekkóz
11 tamyzda Aidarbek Saparov Qazaqstanda astyq jáne burshaq daqyldaryn, IQM terisin óńdeý, balmuzdaq óndirý, aýyl sharýashylyǵyna arnalǵan tehnika óndirisin oqshaýlaý jónindegi jobalardy damytýǵa múddeli túrik biznesimen kelissózder júrgizdi, dep habarlaidy QR AShM baspasóz qyzmeti.
Burshaq daqyldaryn tereń óńdeý jónindegi kompaniialar Qazaqstannyń aminqyshqyldary, onyń ishinde lizin, gliýten jáne naryqta joǵary suranysqa ie basqa da ónimder siiaqty qosylǵan quny joǵary ónimderdi óndirýdegi úlken múmkindikterin atap ótti.
Balmuzdaq óndirýshiler Resei, Qytai siiaqty jaqyn mańdaǵy naryqtarǵa qyzyǵýshylyq tanytady, onda qazaqstandyq óndirýshiler shikizat jetkizýdi júzege asyrýǵa múmkindik bar. Bul jaǵdaida balmuzdaq óndirý úshin joǵary sapaly laktoza súti qajet. Ministr Qazaqstanda sút-taýar fermalaryn damytý baǵdarlamasy iske asyrylyp jatqanyn jáne óńdeý úshin shikizat jetkizýshi bola alatyn 65 zamanaýi sút-taýar fermasy salynatynyn aitty.
