Elimizdiń 8 óńirinde halyqty gazben qamtý úshin 58 joba júzege asyrylyp jatyr. Bul týraly búgin Úkimet otyrysynda QR Energetika ministri Nurlan Noǵaev aitty, dep habarlaidy "Ult aqparat".
«Sońǵy 5 jylda 1 334 shaqyrym magistraldyq gaz qubyry jáne 20 myń shaqyrymnan astam gaz taratý jelisi salynǵan. Magistraldyq gaz qubyrlary qurylysynyń ósimi - 7, gaz taratý jelileri qurylysynyń ósimi - 49 paiyzdy qurady. 2015-2020 jyldar aralyǵynda respýblikalyq biýdjet esebinen ákimdikterge gazdandyrý jumysyna 125 mlrd teńge mólsherinde nysanaly transfertter, onyń ishinde sońǵy 2 jylda 76 mlrd teńge bólindi», - dedi ministr.
Sondai-aq ol gazdandyrýdyń kei jobalary Eńbek jáne halyqty áleýmettik qorǵaý ministrliginiń «Jumyspen qamtýdyń jol kartasy» biýdjettik baǵdarlamasy esebinen iske asyrylyp jatqanyn aitty.
«2020-2021 jyldary 8 óńirde 22,5 mlrd teńgege 58 jobany iske asyrý josparlanǵan. Onyń ishinde 51 jobany osy jyly jáne 7 jobany Almaty oblysynda 2021 jyly aiaqtaý kózdelip otyr», - dedi Nurlan Noǵaev.
