Móldir Muqan ózine 11 million teńgege alqa satyp alǵanyn aityp, ai saiynǵy nesie tóleminiń kólemin de jariia etti, dep habarlaidy ult.kz.

Onyń sózinshe, qymbat áshekeidi jaqynda ózine syilyq retinde alǵan. Móldir Muqan alqasyn taǵyp turǵanyn aityp, baǵasyn jasyrmady.

«Óz-ózime syilyq jasap, 11 mln teńgege alqa aldym. Jaqynda ǵana alǵanmyn. Endi taǵyp turmyn», – dedi ol.

Sonymen qatar Móldir Muqan nesiesi bar ekenin jetkizdi. Onyń aitýynsha, ai saiyn nesie tólemderine 8 million teńge jumsaidy.

«Nesiem bar. Ai saiyn 8 mln teńge nesie jabamyn. Ýaiymdamańyzdar. Ár qazaqtyń basynda bir nesie bar», – dedi Móldir Muqan.

Aita keteiik, Móldir Muqannyń Tursynbek Qabatovqa arnaǵan burynǵy jazbasy tarady. 

Móldir Muqan kim?

Móldir Muqan (Muqanova) — qazaqstandyq prodiýser, ánshi, aktrisa jáne kásipker. Kópshilikke ázilkesh Tursynbek Qabatovtyń burynǵy jubaiy retinde de tanys. Ekeýiniń ortaq bes balasy bar. 2025 jyly ol Tursynbek Qabatovpen zańdy túrde ajyrasqanyn jariialaǵan.

Negizgi mamandyǵy — ekonomist. Óziniń aitýynsha, joǵary oqý ornyn úzdik diplommen támamdap, 21 jasynan memlekettik qyzmette eńbek etken. Tórtinshi balasy dúniege kelgennen keiin qyzmetten ketip, balalarǵa arnalǵan «MM» óner mektebin ashqan. Osylaisha, balalardyń shyǵarmashylyq qabiletin damytýǵa baǵyttalǵan kásipke bet burǵan.

Móldir ónerge bala kezinen jaqyn bolǵan. Baýyrlarymen birge «Muqanovtar» otbasylyq ansamblinde óner kórsetken. Baian, dombyra jáne fortepianoda oinaidy. Keiin prodiýserlik baǵytta jumys istep, ánshi ári dombyrashy Aqtoty Bolyshevamen shyǵarmashylyq bailanys ornatqan.

Ol kontserttik baǵdarlamalar men shyǵarmashylyq jobalardy uiymdastyrýǵa da atsalysqan. 2025 jyly «Shái v bolshom gorode» filminiń prodiýseri bolǵan. Ánshi retinde «Ótirik», «Ómir súr qalma elden» týyndylaryn jaryqqa shyǵarǵan. Áleýmettik jelide bala tárbiesi, otbasy, shyǵarmashylyǵy jáne jeke ómirindegi ózgerister týraly jazbalar jariialap turady.