Foto:inbusiness.kz
Qysqy kezeńnen bastap qutqarý bólimsheleri 1 210 adamdy, onyń ishinde 120 balany qutqaryp evakýatsiialady dep habarlaidy Ult.kz Tótenshe jaǵdailar ministrligine silteme jasap.
Tótenshe jaǵdailardy joiý departamenti basqarma bastyǵynyń mindetin atqarýshy Didar Kajkenovtyń aitýynsha qar qursaýynan 166 birlik tehnikany shyǵaryldy. Evakýatsiialanǵan adamdar ystyq tamaqpen jáne jyly zattarmen qamtamasyz etilgen jylytý pýnktinde ornalastyryldy. Biylǵy jyldyń segiz kúni ishinde qutqarý bólimsheleri qar qursaýynan 224 adam, onyń ishinde 29 bala qutqardy jáne evakýatsiialady, 32 birlik tehnika shyǵaryldy. Qys mezgilinde zardap shekken adamdar úshin joldarda 1 548 jylytý pýnkti daiyndaldy. Sonymen qatar, qoldanystaǵy 40 trassalyq meditsinalyq-qutqarý pýnktteri jylytý pýnktteri retinde paidalanylady.
Órtke qarsy qyzmet komitetiniń bas mamany Eldos Ziiada: "TJM jylytý maýsymyndaǵy qaýipsizdikke erekshe kóńil bóledi. Profilaktikalyq is-sharalar jylytý maýsymy oǵan deiin bastalyp, ótýi kezeńi boiy jalǵasady. Profilaktikalyq jumys barysynda halyqtyń áleýmettik osal toptarynyń 100 myńnan astam úii qamtylyp, 278 myńnan astam adam nusqaýlyqtan ótti. Biylǵy jylytý maýsymyna daiyndyq jáne ótýi barysynda turǵyn úilerde 30 myńǵa jýyq erte qulaqtandyrý quraly ornalastyryldy. Jeltoqsanda órt qaýipsizdik ailyǵy ótti. Osy ai ishinde TJM profilaktika retinde aýlalardy aralady, onyń barysynda turǵyndar órtke qarsy konsýltatsiia aldy", -dep otyr.
Degenmen barlyq jerde júrigizilip jatqan sharalarǵa qaramastan 2024 jyly turǵyn sektorda 6 964 órt (2023 – 6909, +1%) tirkeldi, onda 288 adam qaitys boldy (2023 – 298, -3%), 251 adam (2023 – 251) jaraqat aldy. TJM bólimsheleri órtten 1000 astam adamdy qutqaryp, 6860 adamdy evakýatsiialady. Jylytý quraldaryn, elektr qurylǵylary men jelilerin montajdaý jáne paidalaný kezinde órt qaýipsizdik qaǵidalaryn buzýshylyq, sondai-aq otty abaisyz paidalaný turǵyn úilerde órtter týyndaýynyń negizgi sebepteri bolyp tabylady.
Óz kezeginde Talǵat Jambaýov TJM «Muz-2024» respýblikalyq úgit-profilaktikalyq aktsiiasynyń jalǵasyp jatqany týraly aqparattandyrdy. Aktsiia aiasynda qutqarýshylar mobildi toptardyń quramynda elimizdiń sý aidyndarynda 8 myńnan astam reid pen patrýldeýdi júzege asyrdy. Reidter barysynda muzda ústindegi qaýipsizdik jáne muzda balyq aýlaý erejeleri túsindiriledi, barlyǵy 55 myń adamǵa nusqaý berildi. Olardyń jartysynan kóbi balyq aýlaý áýesqoilary men ańshylar. Aita ketý kerek, mundai jaǵdailar qarapaiym qaýipsizdik erejelerin buzý nátijesinde bolady. Quqyq buzýshylar ákimshilik jaýapkershilikke tartylady. Tek aktsiia kezeńinde 256 hattama jasaldy, jalpy somasy 5,5 mln. astam teńge aiyppul salyndy.
"TJM óz kezeginde elimizde órt qaýipsizdigin qamtamasyz etý úshin barlyq sharalardy qabyldaýda. Sonymen qatar qys mezgilinde qaýipsizdik erejelerin saqtaý qajettiligi týraly eskertedi, daýyldy eskertýlerge nazar aýdaryńyz jáne aýa-raiy nasharlaǵan jaǵdaida úide bolyńyz! Tótenshe jaǵdai týyndaǵan jaǵdaida qutqarý qyzmetiniń táýlik boiǵy «112» biryńǵai nómirine qońyraý shalyńyz. Sonymen qatar qarańǵy ýaqytta jáne nashar kóringen kezde muzǵa shyǵýǵa qatań tyiym salynady. Balalardy eshqashan muzda qaraýsyz qaldyrmańyz!" dep eskertedi mamandar.
