Pavlodarlyq politseiler 8 ai boiy izdeýde bolǵan kámeletke tolmaǵan qyzdy taýyp, úiine qaitardy, dep habarlaidy "Ult aqparat" www.polisia.kz aqparatttyq portalyna silteme jasap.
2019 jylǵy 7 mamyrda Pavlodar politsiiasyna kámeletke tolmaǵan nemeresi Vialina Denisova (2003 jyly týǵan) 5 mamyr kúni úiden shyqqan kúii oralmaǵany týraly ájesi habarlaǵan.
Atalǵan fakti boiynsha qyzmetkerler izdestirý isin qozǵap, 9-synyp oqýshysyn memleketaralyq izdeýge jariialady. Keiinnen, atalǵan qyz 1984 jylǵy tanysymen zańsyz túrde Reseimen aradaǵy memlekettik shekarany jaiaý kesip ótkendigi belgili boldy. Sonymen qatar, olar Novosibir qalasynyń aýmaǵynda jasyrynǵany anyqtaldy.
2020 jylǵy 1 aqpanda jedel izdestirý sharalary kezinde pavlodardyq tártip saqshylary RF qylmystyq izdestirý qyzmetkerlerimen birlese Novosibirdegi jaldamaly páterden izdeýdegi V.Denisovany tapty.
Qazirgi ýaqytta kámelettik jasqa tolmaǵan oqýshy Qazaqstanǵa qaitarylyp, ájesiniń qaraýyna tapsyryldy.
