پاۆلودارلىق پوليتسەيلەر 8 اي بويى ٸزدەۋدە بولعان كەمەلەتكە تولماعان قىزدى تاۋىپ, ٷيٸنە قايتاردى, دەپ حابارلايدى "ۇلت اقپارات" www.polisia.kz اقپاراتتتىق پورتالىنا سٸلتەمە جاساپ.
2019 جىلعى 7 مامىردا پاۆلودار پوليتسيياسىنا كەمەلەتكە تولماعان نەمەرەسٸ ۆيالينا دەنيسوۆا (2003 جىلى تۋعان) 5 مامىر كٷنٸ ٷيدەن شىققان كٷيٸ ورالماعانى تۋرالى ەجەسٸ حابارلاعان.
اتالعان فاكتٸ بويىنشا قىزمەتكەرلەر ٸزدەستٸرۋ ٸسٸن قوزعاپ, 9-سىنىپ وقۋشىسىن مەملەكەتارالىق ٸزدەۋگە جارييالادى. كەيٸننەن, اتالعان قىز 1984 جىلعى تانىسىمەن زاڭسىز تٷردە رەسەيمەن اراداعى مەملەكەتتٸك شەكارانى جاياۋ كەسٸپ ٶتكەندٸگٸ بەلگٸلٸ بولدى. سونىمەن قاتار, ولار نوۆوسٸبٸر قالاسىنىڭ اۋماعىندا جاسىرىنعانى انىقتالدى.
2020 جىلعى 1 اقپاندا جەدەل ٸزدەستٸرۋ شارالارى كەزٸندە پاۆلوداردىق تەرتٸپ ساقشىلارى رف قىلمىستىق ٸزدەستٸرۋ قىزمەتكەرلەرٸمەن بٸرلەسە نوۆوسٸبٸردەگٸ جالدامالى پەتەردەن ٸزدەۋدەگٸ ۆ.دەنيسوۆانى تاپتى.
قازٸرگٸ ۋاقىتتا كەمەلەتتٸك جاسقا تولماعان وقۋشى قازاقستانعا قايتارىلىپ, ەجەسٸنٸڭ قاراۋىنا تاپسىرىلدى.
