Qazaqstanda vaktsina óndirýshilermen júrgizilgen kelissózderdi eskere otyryp shamamen 12 mln doza vaktsina alý josparlanýda. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Biyl birinshi aqpannan bastap koronavirýs infektsiiasyna qarsy vaktsina egý sharasy bastaldy. Búgingi kúni vaktsinatsiia júrgizý úshin 347 egý pýnkti jumyldyryldy, búgingi kúni 76 188 azamat egildi. Naýryz aiynyń sońyna deiin sáýir aiynan bastap jetkizilim kóleminiń edáýir artýymen 180 000 doza vaktsina jetkiziledi dep kútilýde. Sáýir aiynan bastap halyqtyń osal toptaryn (sozylmaly aýrýlary bar adamdar, 65 jastan asqan adamdar jáne halyqtyń basqa da toptary) vaktsinatsiialaýdy bastaý josparlanýda», - deidi QR Densaýlyq saqtaý ministri Aleksei Tsoi.
Onyń aitýynsha, kelip túsetin vaktsina kóleminiń ai saiyn ulǵaiýyn eskerip, aýmaq ákimderi vaktsinany saqtaý jáne tasymaldaý sharttaryn saqtai otyryp, qosymsha egý kabinetterin óristetýdi, tiisti halyqty vaktsinatsiialaýdy júrgizýdi keńeitý úshin daiarlanǵan mamandarmen qamtamasyz etýi qajet.
«Halyqty KVI-ǵa qarsy profilaktikalyq ekpelermen qamtýdyń qajetti deńgeiine qol jetkizý ujymdyq immýnitetti qalyptastyrýǵa jáne infektsiianyń taralýyn boldyrmaýǵa múmkindik beredi. Qazaqstanda vaktsina óndirýshilermen júrgizilgen kelissózderdi, biyl vaktsinany jetkizýdi eskere otyryp, shamamen 12 mln.doza vaktsina alý josparlanýda», - deidi ol.
Sondai-aq, onyń aitýynsha, aqpan aiynda elimizde koronavirýspen syrqattaný deńgeii qańtarmen salystyrǵanda 30% tómendedi.
«Qańtar aiymen salystyrǵanda aqpanda syrqattanýshylyq deńgeii 30% tómendedi. Al naýryz aiynda syrqattanýshylyq deńgeii 1,2 esege tómendeýi baiqalady. Degenmen, Almaty men Nur-Sultan qalalary jáne Almaty jáne Batys Qazaqstan oblystarynda aýrýdyń ósýi baiqalady», - deidi QR Densaýlyq saqtaý ministri.
Ol bul aimaqtardyń ákimderi syrqattanýshylyq deńgeiiniń ósýip ketý sebepterine egjei-tegjeili taldaý júrgizip, jedel sharalar qabyldaý qajettigin aitty.
«KVI jaǵdailarynyń sebepterin taldaý kezinde myna jaǵdai anyqtaldy: óz erkimen qaralý kezinde KVIdiń anyqtalýy – 45%, naýqastanǵan adamdarmen bailanysta bolǵandar arasynda anyqtalǵandar – 35%, al profilaktikalyq maqsatta emdelip júrgender arasynda anyqtalýy – 20%», - deidi Aleksei Tsoi.
