قازاقستاندا ۆاكتسينا ٶندٸرۋشٸلەرمەن جٷرگٸزٸلگەن كەلٸسسٶزدەردٸ ەسكەرە وتىرىپ شامامەن 12 ملن دوزا ۆاكتسينا الۋ جوسپارلانۋدا. بۇل تۋرالى ٷكٸمەت وتىرىسىندا قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى "ۇلت اقپارات".
«بيىل بٸرٸنشٸ اقپاننان باستاپ كوروناۆيرۋس ينفەكتسيياسىنا قارسى ۆاكتسينا ەگۋ شاراسى باستالدى. بٷگٸنگٸ كٷنٸ ۆاكتسيناتسييا جٷرگٸزۋ ٷشٸن 347 ەگۋ پۋنكتٸ جۇمىلدىرىلدى, بٷگٸنگٸ كٷنٸ 76 188 ازامات ەگٸلدٸ. ناۋرىز ايىنىڭ سوڭىنا دەيٸن سەۋٸر ايىنان باستاپ جەتكٸزٸلٸم كٶلەمٸنٸڭ ەدەۋٸر ارتۋىمەن 180 000 دوزا ۆاكتسينا جەتكٸزٸلەدٸ دەپ كٷتٸلۋدە. سەۋٸر ايىنان باستاپ حالىقتىڭ وسال توپتارىن (سوزىلمالى اۋرۋلارى بار ادامدار, 65 جاستان اسقان ادامدار جەنە حالىقتىڭ باسقا دا توپتارى) ۆاكتسيناتسييالاۋدى باستاۋ جوسپارلانۋدا», - دەيدٸ قر دەنساۋلىق ساقتاۋ مينيسترٸ الەكسەي تسوي.
ونىڭ ايتۋىنشا, كەلٸپ تٷسەتٸن ۆاكتسينا كٶلەمٸنٸڭ اي سايىن ۇلعايۋىن ەسكەرٸپ, اۋماق ەكٸمدەرٸ ۆاكتسينانى ساقتاۋ جەنە تاسىمالداۋ شارتتارىن ساقتاي وتىرىپ, قوسىمشا ەگۋ كابينەتتەرٸن ٶرٸستەتۋدٸ, تيٸستٸ حالىقتى ۆاكتسيناتسييالاۋدى جٷرگٸزۋدٸ كەڭەيتۋ ٷشٸن دايارلانعان ماماندارمەن قامتاماسىز ەتۋٸ قاجەت.
«حالىقتى كۆي-عا قارسى پروفيلاكتيكالىق ەكپەلەرمەن قامتۋدىڭ قاجەتتٸ دەڭگەيٸنە قول جەتكٸزۋ ۇجىمدىق يممۋنيتەتتٸ قالىپتاستىرۋعا جەنە ينفەكتسييانىڭ تارالۋىن بولدىرماۋعا مٷمكٸندٸك بەرەدٸ. قازاقستاندا ۆاكتسينا ٶندٸرۋشٸلەرمەن جٷرگٸزٸلگەن كەلٸسسٶزدەردٸ, بيىل ۆاكتسينانى جەتكٸزۋدٸ ەسكەرە وتىرىپ, شامامەن 12 ملن.دوزا ۆاكتسينا الۋ جوسپارلانۋدا», - دەيدٸ ول.
سونداي-اق, ونىڭ ايتۋىنشا, اقپان ايىندا ەلٸمٸزدە كوروناۆيرۋسپەن سىرقاتتانۋ دەڭگەيٸ قاڭتارمەن سالىستىرعاندا 30% تٶمەندەدٸ.
«قاڭتار ايىمەن سالىستىرعاندا اقپاندا سىرقاتتانۋشىلىق دەڭگەيٸ 30% تٶمەندەدٸ. ال ناۋرىز ايىندا سىرقاتتانۋشىلىق دەڭگەيٸ 1,2 ەسەگە تٶمەندەۋٸ بايقالادى. دەگەنمەن, الماتى مەن نۇر-سۇلتان قالالارى جەنە الماتى جەنە باتىس قازاقستان وبلىستارىندا اۋرۋدىڭ ٶسۋٸ بايقالادى», - دەيدٸ قر دەنساۋلىق ساقتاۋ مينيسترٸ.
ول بۇل ايماقتاردىڭ ەكٸمدەرٸ سىرقاتتانۋشىلىق دەڭگەيٸنٸڭ ٶسۋٸپ كەتۋ سەبەپتەرٸنە ەگجەي-تەگجەيلٸ تالداۋ جٷرگٸزٸپ, جەدەل شارالار قابىلداۋ قاجەتتٸگٸن ايتتى.
«كۆي جاعدايلارىنىڭ سەبەپتەرٸن تالداۋ كەزٸندە مىنا جاعداي انىقتالدى: ٶز ەركٸمەن قارالۋ كەزٸندە كۆيدٸڭ انىقتالۋى – 45%, ناۋقاستانعان ادامدارمەن بايلانىستا بولعاندار اراسىندا انىقتالعاندار – 35%, ال پروفيلاكتيكالىق ماقساتتا ەمدەلٸپ جٷرگەندەر اراسىندا انىقتالۋى – 20%», - دەيدٸ الەكسەي تسوي.
