Búgingi kúnge deiin elimizdegi jer reformasyn túsindirý úshin qurylǵan Jerturaly.kz saityna qazaqstandyqtardan 947 suraq kelip túsip, sonyń ishinde 756-syna jaýaptary daiyndalyp, saitqa ornalastyrylǵan. Qalǵan 191 adamnyń suraǵyna jaýaptar daiyndalýda. Bul týraly búgin Atyraýda ótip jatqan Jer reformasy boiynsha respýblikalyq komissiianyń otyrysynda Aýyl sharýashylyǵy ministriniń orynbasary E. Nysanbaev málimdedi. Onyń aitýynsha, halyqtan jinalǵan suraqtardy taldasaq, jeke turǵyn úi qurylysyna jer bólýge bailanysty – 114, aýyl sharýashylyǵyna — 357, sheteldikterge aýyl sharýashylyǵy jerlerin jalǵa berý máselesi boiynsha – 176 jáne basqa da saýaldarmen 300 hat kelip túsken.
Ministrdiń orynbasary atalǵan saitpen qatar halyqtyń usynystary men pikirlerin jinap, komissiiaǵa jetkizý maqsatynda Call-ortalyq qurylǵanyn atap aitty. Osy ortalyqqa 2016 jyldyń 14 mamyrynan bastap 23 shildege deiin 12 458 qońyraý shalynǵan. Aimaqtyq call-ortalyqtardyń arasynda eń kóp qońyraý soǵylǵandary: Almaty qalasy (1049), Aqtóbe (842), Almaty oblysy (608) jáne Batys Qazaqstan oblysy (580). Eń azdary – Soltústik Qazaqstan (28), Qostanai (103) jáne Qaraǵandy (114) oblystary. Atap aitarlyǵy, osy ortalyqqa kelip túsken saýaldardyń basym kópshiligi – (9583-i, 77 paiyzy) jeke turǵyn qurylysyna qatysty bolǵan.
E. Nysanbaev Jer reformasy boiynsha respýblikalyq komissiianyń búginge deiin 8 otyrysy ótkenin, sonyń ishinde 4-ýi – Astanada, qalǵandary – Aqmola, Almaty, Qyzylorda oblystarynda jáne Atyraýda ótip jatqanyn jurtshylyqtyń esine saldy. Onyń aitýynsha, respýblikalyq komissiianyń filialy retinde oblystyq ákimdikter janynan qurylǵan qoǵamdyq keńester halyqpen aýdandyq jáne oblystyq deńgeide 1,2 myńnan astam kezdesýler ótkizgen. Osy kezdesýlerge 70 myńnan astam adam qatysypty. Bul kórsetkishtiń ózi atalǵan komissiianyń halyqpen tyǵyz qarym-qatynas jasap, tiimdi jumys istegenin bildiredi. Jalpy alǵanda, elimizdiń ár aimaǵynyń turǵyndarynyń komissiia jumysyna belsene aralasýy, óz oi-pikirlerin ashyq, erkin jetkizýi el aýmaǵynda áleýmettik jáne qoǵamdyq mańyzy zor máseleni keńinen talqylaýǵa múmkindik berdi. Buǵan quzyretti komissiia músheleriniń belsendiligi, kásibiligi, memleketshildigi óz septigin tigizdi.
Ámirlan Álimjan
.jpeg)