72 814 adamǵa «Birgemiz» qorynan 50 myń teńgeden berildi. Almaty, Shymkent, Atyraý, Aqtóbe, Balqash, Jezqazǵan, Qaraǵandy, Kókshetaý, Qostanai, Qyzylorda, Petropavl, Taldyqorǵan, Taraz, Temirtaý, Túrkistan jáne Oral siiaqty 16 qalanyń turǵyndary ataýly áleýmettik kómekti alyp úlgerdi, dep habarlaidy "Ult aqparat" qordyń baspasóz qyzmetine silteme jasap.
Aqshalai qarajat berý úsh kezeńde júzege asyrylady. 15 qazanda «BizBirgemiz» naýqanynyń besinshi tolqyny aiaqtalady. Bar bolǵany, úsh kúnniń ishinde elimizdiń 23 qalasynan 100 myń otbasyǵa kómek kórsetiledi.
Qazaqstandyqtar Elbasy men «Nur Otan» partiiasyna áleýmettik jeliler arqyly alǵys bildirip, munyń koronavirýs pandemiiasy jaǵdaiynda der kezinde kórsetilgen áleýmettik kómek ekenin aitýda.
«Men jeti balanyń anasymyn. «Birgemiz» qorynan 50 myń teńge kelip tústi. «Birgemiz» qoryna, «Nur Otan»-ǵa jáne halyqtyń qamyn oilaǵan Elbasyǵa alǵysymdy aitqym keledi», - dedi kópbalaly ana.
«Jańa ǵana meniń telefonyma «Birgemiz» qorynan 50 myń teńge túskeni týraly habarlama keldi. Osyndai qiyn kezeńde qarapaiym halyqqa kómektesip jatqan qorǵa alǵysymdy bildirgim keledi. Nursultan Ábishulyna kórsetken qoldaýy úshin alǵysymdy aita otyryp, isterińizge tabys pen gúldený tileimin», - deidi Shymkent qalasynyń turǵyny.
Nursultan Nazarbaev qorynyń qoldaýymen óńirlerge shamamen 5 mlrd teńge baǵyttaldy. Ataýly kómek kórsetý - Elbasy, «Nur Otan» partiiasynyń Kóshbasshysy Nursultan Nazarbaevtyń qabyldaǵan sheshimi.
7 sanat boiynsha 100 myńnan astam azamat birjolǵy materialdyq kómekpen qamtylady. Olardyń qatarynda turmysy tómen kópbalaly otbasylar, muqtaj múgedekter, múgedek balany tárbielep otyrǵan otbasylar, eń tómengi zeinetaqy alatyn jáne halyqtyń áleýmettik álsiz tobyna jatatyn zeinetkerler, jetim balalar (tul jetim balalar men asyraýshysynyń birinen aiyrylǵan balalar), Ekinshi dúniejúzilik soǵysynyń qatysýshylary men múgedekter jáne solarǵa teńestirilgender,tyl eńbekkerleri bar.
Kómek alýshylardyń tizimin burynǵydai «Nur Otan» partiiasynyń baqylaýymen ákimder usynady. Bul rette kómekti buryn almaǵan azamattar aldy.
Esterińizge sala keteiik, «Birgemiz» qory osy jyldyń naýryz aiynda Tuńǵysh Prezident, «Nur Otan» partiiasynyń Kóshbasshysy Nursultan Nazarbaevtyń bastamasymen koronavirýspen kúres jaǵdaiynda halyqtyń áleýmettik osal toptaryn qoldaý úshin qurylǵan bolatyn. Osy ýaqyt ishinde qor qarajatynan 550 myńnan astam muqtaj azamat 50 myń teńgeden aldy. Pandemiiamen kúreste aldyńǵy shepte bolǵan elorda men Almaty qalasynyń 2112 meditsina qyzmetkerine birjolǵy tólem jasaldy. Pandemiia bastalǵan kezeńde Nur-Sultan, Almaty jáne Shymkent qalalaryndaǵy áleýmettik álsiz 100 myń otbasyǵa 5 mln maska taratyldy.
Sonymen qatar, qor esebinen Túrkistan oblysynyń Maqtaaral aýdanyndaǵy Myrzakent aýylynda 20 úidiń qurylysy aiaqtaldy. Qazirgi ýaqytta 12 úidiń qurylysy jalǵasýda.
.jpeg)