Eńbek jáne halyqty áleýmettik qorǵaý ministri Tamara Dúisenova Qazaqstanda eń tómengi jalaqyny arttyrý máselesiniń egjei-tegjeiin aitty, - dep habarlaidy Tengrinews.kz.
Májilistegi Úkimet saǵaty otyrysy kýlýarynda jýrnalister ministrden 70 myń teńge mólsherindegi eń tómengi jalaqyǵa qalai kún kórýge bolatyny týraly surady. Tamara Dúisenova 70 myń - biliktiligi joq qyzmetkerdiń eń tómengi jalaqysy dep jaýap berdi.
"Biýdjettik uiymdardyń barlyq jalaqysy kóterilip jatyr. Bilim berý uiymdarynda kelesi jylǵa deiin eki ese, densaýlyq saqtaý – 2024 jylǵa qarai, áleýmettik qamsyzdandyrý – 2025 jylǵa qarai eki ese. Kompaniialarmen jumys júrgizilip jatyr, memorandým bar – ortasha jalaqy 20-dan 30 paiyzǵa deiin ósti", - dep túsindirdi ministr.
Tamara Dúisenova eń tómengi jalaqy ortasha ailyq ekonomikada kórinis tabýy kerek ekenin atap ótti. Dúisenovanyń aitýynsha, muny statistikalyq málimetterge ǵana emes, eń aldymen mindetti zeinetaqy jarnalaryna qarai baqylaidy.
"Barlyq jalaqy kóterilip, Eýropadaǵydai bolady" dep aitý múmkin emes, biraq kezeń-kezeńimen ETJ eskerile otyryp, ósedi. Byltyr qandai jalaqy bolǵanyn jáne qazir ortasha jalaqy qandai ekenin kórýge bolady. Qazaqstandyq 70 myń alsa, tiisinshe, memlekettik kásiporynda kelesi jyly jáne kelesi úsh jyl ishinde jalaqy salaǵa bailanysty 25-ten 35 paiyzǵa deiin kóteriledi. Al jeke sektor bolsa, onda áleýmettik áriptestik aiasynda birlesken jumys júrgiziledi", - dep túiindedi ministr.
