«7-20-25» jáne «Baspana hit» ipotekalyq baǵdarlamalary boiynsha tólem merzimi 90 kúnge deiin uzartyldy, dep habarlady «Qazaqstannyń ornyqtylyq qory».
«Qazaqstannyń ornyqtylyq qory» AQ basqarmasynyń sheshimimen tótenshe jaǵdai rejiminiń engizilýinen zardap shekken qaryz alýshylardy qoldaý is-sharalaryn iske asyrý aiasynda «7-20-25» jáne «Baspana hit» ipotekalyq baǵdarlamalarynyń klientterine aiyppuldar men ósimpuldar eseptelmei, 2022 jylǵy 5 qańtardan bastap 90 kúnge deiin tólemdi keiinge qaldyrý usynyldy. QR Qarjy naryǵyn retteý jáne damytý agenttiginiń 2022 jylǵy 10 qańtardaǵy buiryǵymen tótenshe jaǵdai rejimin engizý saldarynan zardap shekken jeke jáne zańdy tulǵalardyń qaryzdary boiynsha tólemderdi keiinge qaldyrýdy usyný tártibi bekitildi», - delingen taratylǵan aqparatta.
Qor málimetinshe, atalǵan tártipke sáikes bankter tólemderdi 2022 jylǵy 5 qańtardan 5 sáýirge deiingi kezeńge keiinge qaldyrýdy usynady.
«Tólemdi keiinge qaldyrý qaryz alýshynyń kredittik tarihyna áser etpeidi. Tólemdi keiinge qaldyrý múmkindigin alý úshin qarjylyq jaǵdaiynyń nasharlaǵanyn rastaityn qujattardy qosa bere otyryp, bankke erkin túrde ótinish bildirý kerek. Ótinish elektrondyq poshtanyń, «bank-klient» onlain-júiesiniń, internet-resýrstyń, mobildik qosymshanyń, basqa da bailanys quraldarynyń kómegimen nemese qaryz alýshynyń bank bólimshesine kelýi arqyly beriledi. Ótinishterdi qarastyrý merzimi on jumys kúnin quraidy. Tólemdi keiinge qaldyrý týraly ótinishter 2022 jylǵy 4 sáýirge deiin (qosa alǵanda) qabyldanady», - dep atap ótedi qordan.
