QR IDM Qurylys isi jáne turǵyn úi kommýnaldyq sharýashylyǵy komitetiniń tóraǵasy Marhabat Jaiymbetov jańa baǵdarlamamen baspana alatyndar ai saiyn bankke qansha tólep turatynyn eseptep berdi, dep habarlaidy Sputnik Qazaqstan tilshisi.
"Eger páter 7 million teńge tursa, kredit somasy 5 million 600 myń teńgeni quraidy. Ai saiynǵy tólem 40 myń teńge shamasynda. 20 million teńgeniń páteri bolsa, alǵashqy jarna – 4 million teńge. Kredit somasy – 16 million teńge. Ai saiynǵy tólem 113 myń teńge. Páter 15 mln teńge tursa, kredit somasy 12 million, otbasy ai saiyn 84 myń teńge tólep turady. 12 million teńgeniń páteri bolsa, kredit somasy 9 million 600 myń. Ai saiynǵy tólem 68 myń teńgeni quraidy", — dedi Jaiymbetov prezidenttiń "bes áleýmettik bastamasyn iske asyrý" jóninde ótken dóńgelek ústelde.
Komitet tóraǵasy "7-20-25" baǵdarlamasy iske qosylǵannan keiin, qurylys pen kredit kólemi artatynyn atap ótti.
"Barlyq óńirde qurylys salynady. Turǵyn úige qatysty tapshylyq bolmaidy", - dedi ol.
