قر يدم قۇرىلىس ٸسٸ جەنە تۇرعىن ٷي كوممۋنالدىق شارۋاشىلىعى كوميتەتٸنٸڭ تٶراعاسى مارحابات جايىمبەتوۆ جاڭا باعدارلامامەن باسپانا الاتىندار اي سايىن بانككە قانشا تٶلەپ تۇراتىنىن ەسەپتەپ بەردٸ, دەپ حابارلايدى Sputnik قازاقستان تٸلشٸسٸ.
"ەگەر پەتەر 7 ميلليون تەڭگە تۇرسا, كرەديت سوماسى 5 ميلليون 600 مىڭ تەڭگەنٸ قۇرايدى. اي سايىنعى تٶلەم 40 مىڭ تەڭگە شاماسىندا. 20 ميلليون تەڭگەنٸڭ پەتەرٸ بولسا, العاشقى جارنا – 4 ميلليون تەڭگە. كرەديت سوماسى – 16 ميلليون تەڭگە. اي سايىنعى تٶلەم 113 مىڭ تەڭگە. پەتەر 15 ملن تەڭگە تۇرسا, كرەديت سوماسى 12 ميلليون, وتباسى اي سايىن 84 مىڭ تەڭگە تٶلەپ تۇرادى. 12 ميلليون تەڭگەنٸڭ پەتەرٸ بولسا, كرەديت سوماسى 9 ميلليون 600 مىڭ. اي سايىنعى تٶلەم 68 مىڭ تەڭگەنٸ قۇرايدى", — دەدٸ جايىمبەتوۆ پرەزيدەنتتٸڭ "بەس ەلەۋمەتتٸك باستاماسىن ٸسكە اسىرۋ" جٶنٸندە ٶتكەن دٶڭگەلەك ٷستەلدە.
كوميتەت تٶراعاسى "7-20-25" باعدارلاماسى ٸسكە قوسىلعاننان كەيٸن, قۇرىلىس پەن كرەديت كٶلەمٸ ارتاتىنىن اتاپ ٶتتٸ.
"بارلىق ٶڭٸردە قۇرىلىس سالىنادى. تۇرعىن ٷيگە قاتىستى تاپشىلىق بولمايدى", - دەدٸ ول.
