Prezidenttiń bes áleýmettik bastamasyn iske asyrýǵa bailanysty «Nurly jer» turǵyn úi baǵdarlamasyna ózgertýler engiziledi, dep habarlaidy "Ult aqparat" Investitsiialar jáne damý ministrliginiń baspasóz qyzmetine silteme jasap.
Birinshiden, júieni memlekettik josparlaýǵa sáikes Baǵdarlama memlekettik bolyp qaita bekitiledi.
Sondai-aq, turǵyn úi qurylysy men qarjylandyrý kólemin arttyrý normasy qaita qaralady.
«7-20-25» jańa ipotekalyq baǵdarlamasyn engizýge bailanysty «Nurly jer» baǵdarlamasynyń mehanizmderi qaita qaraldy. Bul ipotekany sýbsidiialaý mindetin alyp tastaýdy qarastyrady.
Sonymen qatar jasalǵan jáne jasalatyn kelisimder boiynsha mindettemeler oryndalatyn bolady (qabyldanǵan mindettemelerge jáne azamattardyń boljamdy ótinimderine sáikes, 6,4 mlrd teńge).
Qurylys alańdaryn daiyndaý úshin turǵyn úi qurylysy júretin aýdandardaǵy injenerlik kommýnikatsiia qurylysyn qarjylandyrý kólemin 80 milliardtan 100 mlrd teńgege deiin arttyrý máselesi qaralýda (qosymsha 20 mlrd teńge).
2019 jyldan bastap satyp alý quqyǵynsyz beriletin arendalyq turǵyn úi qurylysyna jyl saiyn respýblikalyq biýdjetten 10 mlrd teńge kóleminde qosymsha qarajat bólý usynylady (25-ten 35 mlrd. teńgege deiin). Bul halyqtyń áleýmettik álsiz top sanatyna jatatyn qosymsha 1 myńnan astam otbasyn jyl saiyn turǵyn úimen qamtamasyz etýge múmkindik beredi.
Osy baǵdarlamaǵa jeke qurylys salýshylardyń belsendi qatysýlary úshin ákimdikter daiyn turǵyn úi nysandaryn satyp ala alady (nesie men arendaly turǵyn úidi satyp alýǵa bólingen qarajat esebinen).
Budan bólek, «Nurly jerge» engiziletin ózgerister aiasynda ákimdikterdiń páterlerin «Turǵyn úi qurylys jinaq bankiniń» salymshylarymen qatar, jeke bankterdiń klientteri úshin de satyp alý qarastyrylady. Bul sharalar ipotekany damytýǵa úlken serpilis beredi. Atap aitsaq, sharshy metri óńirlerde - 140 myń teńge, al Astana, Almaty, Atyraý jáne Aqtaý qalalarynda 180 myń teńgeden bolady (salynǵan baspana banktiń salymshylaryna 3 ai ishinde ótkizilip, ótkizilmegen úilerdiń qaldyǵy EDB klientterine).
Jańa baǵdarlama parametri boiynsha «Turǵyn úi qurylys jinaq bankiniń» turǵyn úi zaimy qaita qaralatyn bolady.
Jalpy qabyldanǵan sharalar turǵyn úidi paidalanýǵa berý kólemin jyl saiyn 8% (jylyna 8 myńnan astam baspana) jáne 2030 jylǵa deiin 1 adamǵa shaqqandaǵy baspanamen qamtý kórsetkishin 30 sharshy metrge deiin jetkizýge múmkindik beredi.
Bul bastamany júzege asyrý turǵyn úi qurylysy indýstriiasyn damytýǵa úlken serpin beredi jáne tutastai alǵanda el ekonomikasynyń odan ári ósýine yqpal etedi.
