پرەزيدەنتتٸڭ بەس ەلەۋمەتتٸك باستاماسىن ٸسكە اسىرۋعا بايلانىستى «نۇرلى جەر» تۇرعىن ٷي باعدارلاماسىنا ٶزگەرتۋلەر ەنگٸزٸلەدٸ, دەپ حابارلايدى "ۇلت اقپارات" ينۆەستيتسييالار جەنە دامۋ مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
بٸرٸنشٸدەن, جٷيەنٸ مەملەكەتتٸك جوسپارلاۋعا سەيكەس باعدارلاما مەملەكەتتٸك بولىپ قايتا بەكٸتٸلەدٸ.
سونداي-اق, تۇرعىن ٷي قۇرىلىسى مەن قارجىلاندىرۋ كٶلەمٸن ارتتىرۋ نورماسى قايتا قارالادى.
«7-20-25» جاڭا يپوتەكالىق باعدارلاماسىن ەنگٸزۋگە بايلانىستى «نۇرلى جەر» باعدارلاماسىنىڭ مەحانيزمدەرٸ قايتا قارالدى. بۇل يپوتەكانى سۋبسيدييالاۋ مٸندەتٸن الىپ تاستاۋدى قاراستىرادى.
سونىمەن قاتار جاسالعان جەنە جاسالاتىن كەلٸسٸمدەر بويىنشا مٸندەتتەمەلەر ورىندالاتىن بولادى (قابىلدانعان مٸندەتتەمەلەرگە جەنە ازاماتتاردىڭ بولجامدى ٶتٸنٸمدەرٸنە سەيكەس, 6,4 ملرد تەڭگە).
قۇرىلىس الاڭدارىن دايىنداۋ ٷشٸن تۇرعىن ٷي قۇرىلىسى جٷرەتٸن اۋداندارداعى ينجەنەرلٸك كوممۋنيكاتسييا قۇرىلىسىن قارجىلاندىرۋ كٶلەمٸن 80 ميللياردتان 100 ملرد تەڭگەگە دەيٸن ارتتىرۋ مەسەلەسٸ قارالۋدا (قوسىمشا 20 ملرد تەڭگە).
2019 جىلدان باستاپ ساتىپ الۋ قۇقىعىنسىز بەرٸلەتٸن ارەندالىق تۇرعىن ٷي قۇرىلىسىنا جىل سايىن رەسپۋبليكالىق بيۋدجەتتەن 10 ملرد تەڭگە كٶلەمٸندە قوسىمشا قاراجات بٶلۋ ۇسىنىلادى (25-تەن 35 ملرد. تەڭگەگە دەيٸن). بۇل حالىقتىڭ ەلەۋمەتتٸك ەلسٸز توپ ساناتىنا جاتاتىن قوسىمشا 1 مىڭنان استام وتباسىن جىل سايىن تۇرعىن ٷيمەن قامتاماسىز ەتۋگە مٷمكٸندٸك بەرەدٸ.
وسى باعدارلاماعا جەكە قۇرىلىس سالۋشىلاردىڭ بەلسەندٸ قاتىسۋلارى ٷشٸن ەكٸمدٸكتەر دايىن تۇرعىن ٷي نىساندارىن ساتىپ الا الادى (نەسيە مەن ارەندالى تۇرعىن ٷيدٸ ساتىپ الۋعا بٶلٸنگەن قاراجات ەسەبٸنەن).
بۇدان بٶلەك, «نۇرلى جەرگە» ەنگٸزٸلەتٸن ٶزگەرٸستەر اياسىندا ەكٸمدٸكتەردٸڭ پەتەرلەرٸن «تۇرعىن ٷي قۇرىلىس جيناق بانكٸنٸڭ» سالىمشىلارىمەن قاتار, جەكە بانكتەردٸڭ كليەنتتەرٸ ٷشٸن دە ساتىپ الۋ قاراستىرىلادى. بۇل شارالار يپوتەكانى دامىتۋعا ٷلكەن سەرپٸلٸس بەرەدٸ. اتاپ ايتساق, شارشى مەترٸ ٶڭٸرلەردە - 140 مىڭ تەڭگە, ال استانا, الماتى, اتىراۋ جەنە اقتاۋ قالالارىندا 180 مىڭ تەڭگەدەن بولادى (سالىنعان باسپانا بانكتٸڭ سالىمشىلارىنا 3 اي ٸشٸندە ٶتكٸزٸلٸپ, ٶتكٸزٸلمەگەن ٷيلەردٸڭ قالدىعى ەدب كليەنتتەرٸنە).
جاڭا باعدارلاما پارامەترٸ بويىنشا «تۇرعىن ٷي قۇرىلىس جيناق بانكٸنٸڭ» تۇرعىن ٷي زايمى قايتا قارالاتىن بولادى.
جالپى قابىلدانعان شارالار تۇرعىن ٷيدٸ پايدالانۋعا بەرۋ كٶلەمٸن جىل سايىن 8% (جىلىنا 8 مىڭنان استام باسپانا) جەنە 2030 جىلعا دەيٸن 1 ادامعا شاققانداعى باسپانامەن قامتۋ كٶرسەتكٸشٸن 30 شارشى مەترگە دەيٸن جەتكٸزۋگە مٷمكٸندٸك بەرەدٸ.
بۇل باستامانى جٷزەگە اسىرۋ تۇرعىن ٷي قۇرىلىسى يندۋستريياسىن دامىتۋعا ٷلكەن سەرپٸن بەرەدٸ جەنە تۇتاستاي العاندا ەل ەكونوميكاسىنىڭ ودان ەرٸ ٶسۋٸنە ىقپال ەتەدٸ.
